الاثنين، أبريل 07، 2008

مبروك ....إسمك في أمن الدولة

بسبب الإضراب ....الفاشل


تقرر تحويلي مع 17 صيدلي وصيدلانية للتحقيق و تم إرسال أسماءنا لأمن الدولة و منا من غاب بلطجة (يعني خدها حجة)و منا من غاب تأييدا للإضراب و منا من غاب لعدم وجود مواصلات محترمة

أما عن رأيي في الإضراب فأنا لا أرفضه لكني أري عدم جدوى الإضراب الكلي ما أرى جدواه هو الإضراب الجزئي و لفترة طويلة

مثال: الإستغناء عن سلعة معينة لفترة ما ...نقول إسبوع الناس مل تشتريش لحمة ...طبعا النتيجة الحتمية إن اللحمة حتكتر و المسألة قبل كل شئ تجارة تخضع للعرض و الطلب و ساعتهاغ ممكن نشوف كيلو لحمة ب 30 جنيه و ممكن أقل من كده

أما عن أحداث المحلة فده يثبت حاجتين :أولهم إن الناس مش فاهمة مصطلحات الحريات ...فلما سمعوا عن إضراب إفتكروا إنه مظاهرات

و تانيهم إن بمجرد ما الحكومة تقل عقلها و ترفع سعر رغيف العيش البلد حتولع و حتحصل مصيبة أكبر بكتير من إنتفاضة رغيف العيش اللي حصلت أيام السادات و اللي إتسمت أيامها إنتفاضة حرامية لإن في أحداث زي دي بيطلع النهيبة و البلطجية و ينتهزوا الفرصة

و ربنا يستر على البلد دي

إمضاء:
وششششششششششششششششششش

7 Comments:

Anonymous AlFirjany said...

أعلق على اول جزئية وهي تحويل حضراتكم إلى التحقيق وأسماءكم إلى أمن الدولة ؛ يعني النظام الغبي دون أن يدري يخلق له عداوات جديدة، ويزرع المعارضة في نفوس الشباب
زي ما عمل مع الاخوان بتحويلهم إلى ظاهرة شعبية الشعب يلتف حولها لا لشيء إلا لكرههم للنظام الغبي (في المعظم يعني)
بمعنى إنه زي ما يكون بيفرض عليهم المعارضة وبشراسة
وده معناه إن كل واحد أساسا لو قال لأ ملفه يحال إلى أمن الدولة
==
الحاجة التانية بخصوص المصطلحات والتطبيق
فبغض النظر عن إننا لسة لحد دلوقت ما نعرفش اللي فيها ومين الباديء (الامن ولا الجماهير) وبغض النظر عن كون المحلة نفسها هي الشرارة
تطبيق المصطلح نفسه يختلف من كل دولة لأخرى، وكام اضراب سلمي تحول إلى ظاهرة صاخبة
الخبز زي ما كان على أيام السادات كان برضه على أيام ما قبل الثورة الفرنسية وحسب قرايتي لبعض تطور الجمهوريات كان الجوع سبب مباشر وحتى غير في الثورات!
كون بقى التطبيق قاصر في الشعب زي ما حضرتك بتقول، فده ممكن يكون نابع من الجهل السياسي العام، بس المهم إننا نكون على الطريق، مقاطعة انتخابات قاصرة واضراب قاصر، بس في الآخر أدينا بنجمعها واحدة واحدة
التفكير في الاضراب نفسه جيد، وخطوة أولى ممتازة .. مش بس خطوة أولى، لأ ده احنا تخطينا الخطوة الأولى من زمان

حضرتك صيدلي ومثقف وابن مهنة مرموقة في المجتمع، حاول تفكر تفكير مثقفين، مش مترددين جهلة (الاضراب هينفع، لأ مش هينفع، هنعمل إيه يعني؟، إلخ تلك الهراءات)
لأ لازم يكون فيه صوت .. والحمد لله فيه نتائج وإن شاء الله هيكون فيه على المدى القصير والطويل
لو كانت أولى النتائج في رفع كلمة لأ.. فدي لوحدها كفاية أوي
كفاية

الاثنين, 07 أبريل, 2008  
Blogger sydalany-وش مكرمش said...

حاول تفكر تفكير مثقفين، مش مترددين جهلة (الاضراب هينفع، لأ مش هينفع، هنعمل إيه يعني؟، إلخ تلك الهراءات)

برغم ما تحمله الجملة من تقريع لم يكن له داع إلا أنني سأتعامل معها كجملة عادية

أنا لم أقل أني رفضت شكل الإضراب الكلي
لكن لتحقيق خطوات فعلية فقد وضحت أن الأكثر جدوى و موضوعية هو مقاطعة بعض المنتجات (مبدأ محاربة الغلاء بالإستغناء)
و لنسميه إضراب جزئي ...فلا أرى فائدة أن تتوقف حياتك دون أن تظهر نتيجة لذلك ...كل ما كان متوقع-وحدث بالفعل-هو التحقير من شأن اللإضراب و وعود حكومية بثبات الأسعار(بعد إيه) و ما أريده شخصيا خطوة أكثر دقة و تحديدا من الإضراب لإجبار الأسعار على النزول و ليس تثبيتها

و إن كنت لم تفهم ذلك من سياق حديثي فلن أقول أنه قصور في قراءتك و لكن سأحمله على إسلوبي في كتابة الموضوع خاصة أني كتبته على عجل


شكرا لمرورك

وششششششششششششششششششششششششش

الثلاثاء, 08 أبريل, 2008  
Blogger AlFirjany said...

لأ يا سيدي احمله على قصور في القراءة ولا يهمك.
ما عنديش حزازيات من عتاب الآخرين، وكل ما قصدته من الجملة أن نحاول أن نفكر بشكل أكبر وأعمق من تفكير آخرين بدافع تعليمنا وثقافتنا، من غير نفس تردد الآخرين (حلو ووحش، بلاش منه، هيحصل إيه؟، إلخ).
حضرتك كاتب عن الوعود الحكومية أو الحاصل حاليا بتحقير الاضراب (مين اللي بيحقره بالضبط وإيه الغرض؟) ولكن ده بفعل الاضراب والحاصل واللي حيحصل بسببه وبسبب غيره.
طالما انت في شعب يمارس حرياته بعشوائية وبشيء من الانفعالية، لا تطلب منه الكثير. نمشي الاول في العام، بعدين نخصص. وزي ما حضرتك قلت إن فيه قصورر في فهم الاضراب الكلي، تبقى الواقعية تفرض علينا عدم الحديث عن الجزئي دلوقت، ونتركه لمرحلة متقدمة.
تمام؟
ما تاخدش الكلام على صدرك أوي كدة، مش خناقة أمن مركزي هي :-)

الأربعاء, 09 أبريل, 2008  
Blogger Guhn said...

See Please Here

الأربعاء, 09 أبريل, 2008  
Blogger codecx said...

دردشة شات بنت مصر ، دردشة مصرية - مجتمع مصري ترفيهي للمرأة المصرية
دردشة
بنت مصر
شات بنت مصر
دردشة بنت مصر
شات مصرى
دردشه مصريه
شات بنات مصر
دردشة مصرية
دردشة بنات مصر
شات مصر
دليل بنت مصر-شات بنت مصر - دليل الدردشات
دردشة بنت مصر،شات بنت مصر،بنت مصر،العاب بنت مصر
دردشة بنت مصر،شات بنت مصر،بنت مصر،يوتيوب بنت مصر
شات بنت مصر،دردشة بنت مصر،بنت مصر،جوال بنت مصر
بنت مصر،دردشة شات بنت مصر،توبيكات بنت مصر
دردشة بنت مصر،شات بنت مصر،بنت مصر،مطبخ سيدتى بنت مصر
دردشة بنت مصر،شات بنت مصر،بنت مصر،الازياء والموضة بنت مصر
شات بنت مصر،صور الماسنجر بنت مصر،صور دردشة بنت مصر
شات،شات كتابى،شات بنت مصر،شات مصرى،مصري

الأربعاء, 07 أبريل, 2010  
Blogger karim2day said...

شات عيون حبيبي
منتديات عيون حبيبي
منتدى عيون حبيبي
شات عيون

السبت, 17 مايو, 2014  
Anonymous mekano said...

شات حكايه بنت



دردشه حكايه بنت

شات ودردشه مصريه

دردشه بنات حكايه


شات حكايه بنات

شات بنات مصر

الأربعاء, 04 يونيو, 2014  

إرسال تعليق

<< Home

جميع حقوق النقل و الطبع محفوظة لصاحب المدونة©