الجمعة، يونيو 15، 2007

معلش إتأخرت حبة



آسف على التأخير أصل الكمبيوتر كان مريح حبتين و ما كنتش فاضيله

عقبال أملتكم إستلمت تكليفي و بقيت موظف حكومة ف مستشفى من مستشفيات إسكندرية

يمكن يتساءل البعض ليه ما قلتش إسم المستشفى؟

أقولكم : أصلي ناوي أتكلم كتير و الكلام اللي حقوله ممكن لو وصل لحد كبير يلبش المستشفى كلها و يبقى خراب على الكل و أنا أولهم


و مؤقتا نبدأ بصورتين
طبعا واضحة الصورة
و تخيل نفسك في حالة الطوارئ و كسرت القزاز
أولا حتلاقي إن أساسا الدولاب مفتوح
ثانيا مش حتلاقي حاجة

لكن يبدو إن كان قصدهم في حالة الطوارئ النفسية

يعني لو حد حياته خنقته يكسر الزجاج أهه نوع من التفريغ للشحنات السلبية اللي عنده

و ما نجيلكمش ف حريقة

إمضاء

وشششششششش

6 Comments:

Blogger ولــــــــــو said...

فكرتني بتوفيق الدقن لما كان بيسأل العلبه دي فيها ايه واقنع المسكين اللي معاه انها فيها فيل

انا كمان اقتنعت ان الدولاب فيه اللي ينقذ وقت الطوارئ
بس لابس طاقيه الاخفا
او يمكن عشان لما يكون فيه طوارئ الازاز المكسور يقلل الضغط على ابواب الهروب وبالتالي فرصه النجاه يبقى معدومه

بس القيشاني يجنن
عايز اعمل حمامنا كده
حسبي الله ونعم الوكيل

السبت, 16 يونيو, 2007  
Blogger Ahmed AL-Hussany said...

ههههههههه
بجد صورة جامده قوي
بس انا عايز اسأل
هو ايه المفروض يكون جوه الدولاب

السبت, 16 يونيو, 2007  
Blogger loumi said...

دى اول زياره
والفضل لحلم
لا بجد مش ممكن الصورة
واوعى تقول اسم المستشفى
هههههههههههه
بجد شر البليه ما يضحك
تحياتى

السبت, 16 يونيو, 2007  
Blogger Bestic said...

فكرتني من حوالي 3 اسابيع تقريبا كنا في الكلية عندنا محاضرة دبلوم و كانت آخر محاضرة فطولنا شوية لحد الساعة 10بليل
المهم الامن محسش بينا وقفل البيبان بتاعة المبنى الي بناخد فيه بالقفل

وفييييييييين على ما الدكتور اتصل بالعميد وبعت حد من الامن يفتح لنا لكن في خلال ذلك- حوالي ساعة -تقريباحاولت ادوس على جرس الطوارىء

والله من زمان والفضول بيدفعني كل ما اعدي جنب منه عشان اعرف هو شغال ولا لا
ولما جت المناسبة قلت فرصة

بس زي ما توقعت الجرس محروووق هههه يظهر حجارته خلصت


ربنا ما يحوجنا لييه

السبت, 16 يونيو, 2007  
Blogger whisper TaNgOoO said...

كان نفسى طول عمرى اعرف بيبقى فى ايه فى الصناديق دى بتاعت الخطر

الأحد, 02 سبتمبر, 2007  
Blogger ghalia said...

هههههههههههههههههههه
والله تعليقك على الصور يجنن
فعلا أنا علطول بشوف الصناديق دى فاضية
عمرى ما شفت طفاية حريق محترمة موجودة جوا
يا ستى
على قولك
هم يقصدوا حالة طوارئ نفسية
وكتر خيرهم أوى .
أحنا هننهب ولا إيه

السبت, 08 سبتمبر, 2007  

إرسال تعليق

<< Home

جميع حقوق النقل و الطبع محفوظة لصاحب المدونة©