أفلام كرتون أكشن أول مرة
حالة غريبة معلقة معايا اليومين دول
حاسس إني عايش في فيلم كرتون
أيوة ما قريتش غلط ..فيلم كرتون
إيه عمرك ما حسيت الإحساس ده؟؟؟؟؟
لما كل شئ بيتحرك حوليك في إتجاه واحد و الشرير ليه ألوان حلوة و بيعمل حاجات تضحك
هو أنت ما شفتش خطاب الريس ولا إيه؟؟؟
بلاش خلينا ف توم أند جيري
االحكومة و المتظاهرين
جيري يروح يشد شعرة من شنب توم ف توم يتغاظ و يقوم يضرب فيه و ده بيخلي الشقة كلها ف حالة فوضى
تيجي الست السودة اللى معلماه الأدب متمثلة ف أمريكا و ف أيامنا دي كوندليزا
و تنده النداء الشهير و هي تقريبا الكلمة الوحيدة اللي كانت بتتقال في أفلام توم أند جيري "تووماااااااااس.......توومااااس"و تظهر ف الصورة رجلها و لابسة شراب ملون
و توماس الغلبان ينطرد بره البيت أو ياخد علقة بالمقشة على دماغه
و جيري متكئ و بيدندن ف قمة السعادة و هو قاعد سلطان زمانه ف المعتقل..قصدي في الجحر
بس ما أطولش عليكوا م الآخر شكلي عامل كده
............................................................................................................................
ملحوظة: ده الجزء الأول و البقية عن أفلام الكرتون الحياتية تأتي بإذن الله
و الصورتين من تصميمي الخاص
posted by sydalany-وش مكرمش @ ٨/٠٣/٢٠٠٥ ١٢:٢٧:٠٠ م
14 Comments:
شكلك مضروب بافلام الكرتون زيي
احنا فعلا عايشين فيلم كرتون بس مش مضحك خالص .. مش زى توم و جيري ابدا
يشبه اكتر افلام لونى تونز البايخه
مش كل لوني تونز بايخة
عندك إبن البطة السودة"بلاكي" أفلامه حكاية و تفطس م الضحك
دي حالتي يا باشا
مش الكرتون نفسه
رغم انى ماليش في موضوع الكرتون ده ..لكني كتير برده باحس ان كل اللى قدامي -خصوصا- الأطفال الصغيرين كرتون بيتحرك قدامي
الصورة جميلة
و بالنسبة لموضوع الكرتون فأنا اختلف معاك ده تقريبا فيلم رعب او خيال علمى بايخ وممل
عموما مستنين البقية
شر البلية ما يضحك
وش مكرمش
ما أحلى إن الواحد يعيش فى فيلم كارتون وياريت لو يكون من بتوع سندريلا والكلام دة...
ياه.. ممكن ساعتها أشوف اللى نفسى أعيشه من زماان
متاثر بافلام كرتون
بس وش تعتقد النهايه
haitham:
فعلا العيال الصغيرة دي ببساطتها بتحرك فينا حاجات ياما
mr-biboo:
إزاي خيال علمي؟؟
shady:
و هم يا جمل
و هم النم
:0p
lasto-adry:
للأسف سندريلا شافت بلاوي ياما
تفتكري حتستحملي حفلة الشاي بتاع عيد ماملتشي
طب حتشوفي ملكة القلوب واللي بتعمله و تعرفي تمنعي نفسك تديها باللي في رجلك
بلاش
حتستحملي تقعدي تجري ورا أرنب ما فيش على لسانه غير إتأخرت؟؟؟
:0p
@z3NaF :...
لنهاية يا إما أتجن
يا إما أتجوز و أبطل أتفرج على الكرتون و أتنجن برضه
cartoon movies :) yes, that is what we live and it is even more comic and it makes me laugh more :)
but this is the first time I see the great relation between tom and our tom
تشكر يا سول
Looking for information and found it at this great site... » »
Very cool design! Useful information. Go on! Cheap calls pakistan bingo and raffle supplies in nh and vt
عارف اية دنتا فطستني من الضحك انا مش مصري بس بحاول اتكلم مصري اصلي خليجي ونص الكلام اللي انت كتبة مفهمتهوش هههههههه
إرسال تعليق
<< Home