عشر أيام عزوبية
يمكن حد يسأل هو ماله كده عمال ينزل صور و بقاله ييجي تمن أيام ما نزلش حاجة
أصبر يا عم أنا جايلك ف الكلام أهه
أكيد منكم عدت عليه الأيام دي
أيام عزوبية
يعني ببساطة إنت اللي بتخدم نفسك و ما حدش بيعملك حاجة
الحمد لله ما عدتش عليا الحكاية دي قبل كده إلا في السفر و ده بيبقى مع جروب ف الواحد ما بيحسش
أما المرة دي ف الحج و الحاجة طلعوا عمرة ....عشر أيام منهم السبعة الأوائل ف رمضان
مشكلة العزوبية الأولى
"الأكل
أول يوم عدا كويس لإن كان الغدا متجهز يدوب على التسخين
و يبدأ العك
تاني يوم عملنا مكرونة ......طلعت معجنة
بس كلناها برضه
و الحمد لله شكلهم ف كلية هندسة بيعلموهم إزاي يخترعوا ف الطبيخ لإن الباش مهندس أخويا الوحيد عملنا صدق بالبسطرمة بالطماطم و مكرونة و بطاطس فارم فريتس و للعلم الطبق ده كان 4 إيام من العشرة و تلات إيام فراخ بانيه و يومين عزومات
يعني ربنا ستر معانا ف الأكل
مشكلة العزوبية التانية
الغسيل
وده أنا إتوليته
و بقدرة فزة قدرت أغسل 7 قمصان و طبعا مش أي سبع قمصان ...الحجم بتاعنا
رقدت القمصان يوم و غسيل أبيض و حبة شرابان ...إيه الذكاء ده ..طبعا مش ف كروانة واحدة
تاني يوم مرشت القمصان و نضفوا ...علقتهم ف الحمام و نشفوا ف الحمام من غير ما يتنشروا
.................................................................................
يغسل أكثر بياضا
....................................................................................
أما الأبيض و الشرابات فرقدتهم خمس أيام
هه
لو واحدة ست بيت شاطرة تتوقع اللي حصل
....
...
بدون الدخول في تفاصيل المسافة من الحمام لأوضة القعاد مش أقل من 10 متر بمجرد ما الحاجة-الله يكون ف عونها و يخليها-بدأت تطلع الغسيل وصلتني ف أوضة القعاد الريحة
ببساطة
من غير ما أوصف الريحة
..........................................
عفن
عفن
و ريحته طلعت
أطاطة من فيلم عوكل
.....................................
المشكلة التالتة للعزوبية
الأستيقاظ
مش حقول تفاصيل ياما بس الباش مهندس نام عن 3 أيام شغل و أنا سكشن ضاع عليا
المشكلة ال
بس ما لحقناش نعرف أكتر من 3 مشاكل لإن كلهم أول عن آخر عشر أيام
أشوفكوا بعدين
posted by sydalany-وش مكرمش @ ١٠/١١/٢٠٠٥ ٠٦:٤٢:٠٠ م
23 Comments:
طيب ومشكلة الشاي؟؟
وخوصا شاي الصيام لازم يكون كتير مضبوط مشان تصوموا بتركيز..
اما بالنسبه للسجاير فأكيد اتحلت عندكوا ..طبعا بعد ما هيئة علماء المسلمين ..اكدوا انه من المحبب جدا جدا .. شرب الحشيش اثناء الصيام..
1_ لانه غير مفطر
2_يخلي مزاجك عالي جدا
3_ الاجر والثواب من الله بسبب الجوع اللي حيجيلك بعد شربه
4_تصوم بمزاج عالي
ملحوظه : اختلف العلماء اذا كان السيجار مفطر او لا ..لأنهم اعتمدوا على باب الاجتهاد والقياس
فأشارو الى ان :
اذا تواجد الحشيش
اذا تواجد الماء
بطل التيمم
we hope that u visit our blog
www.malekwaketaba.blogspot.com
w ya retna fe el akher ben2addar 2emet el 7agga :P
lama terg3 bel salama, hatla2eek btet3bha tani
خجل :
جميل الكومنت
بس إنه يتكرر ف موضوعين يبقى مش كيوت
راجعي رد بيانيست ف مدونة صاحب السعادة
و ملحوظة:
أنا ما باشربش سجاير
:0p
كتابة:
إيه يا حتة
ما باحبش الإعلانات
بس حسيبهولك يا عم مش حمسحه
eman:
ما أنا أكبر خدمة أقدمها لها إني ما أعملش حاجة عشان لو عملت حاجة حتضطر هيا تصلح اللي عملته و بعد كده تعمله هيا
مثال
الغسيل
يا باشا انا بقالى 14 شهر عزوبية فى القاهرة. بتظبط اخر تظبييط
يعنى لو المدة طولت كنت هاتعانى من مشاكل اكبر بكتير
الحمد لله ياملك
بكرره بس للتذكره ليس الا ..وهذا ناتج عن اقتناع روحي كامل..كما انني لا ايأس من الحق
سدق بالبسطرمة؟!!!!! أنت أخوك برج الدلو؟ يا إما بيتمتع بميول عدوانية
حمد الله على سلامة الحج والحاجة والبيت
انا لاحظت حاجة بردو زميلى فى الشغل وقعوا فى مشكلة العزوبية دى لما مامتهم سافرت وبردو ابتدوا بالمكرونة.. ايه سر المكرونة؟
خجل:
نعديهالك المرة دي
جيفارا:
طب أنا بحب آكل كل حاجة أبقى برج الحوت؟؟؟
ملحوظة:
أنا بيقولوا عليا القوس
بنت مصرية:
شكلك مش ست بيت
لإن لو ست بيت كنتي حتعرفي إن المكرونة ما تختلفش عن سلق البيض مع فارق بسيط إنك بتغلي المية بشوية ملح قبل ما تحطيها
شكلك انت الى مش محترف عزوبية، لأن المكرونة تختلف جذريا عن البيض.. البيض مابيطلعش معجن كل مرة
وبمناسبة انى عايزة اثبت لك انى ست بيت ونص، كنت هعزمك على اى حاجة من صنع اديا... اديا دووول، بس احنا فى رمضان ومش فاضية
مش قلتلك مش ست بيت
المكرونة طلعت مع العزاب معجنة أول مرة بس مش كل مرة يا ست البيت
بإيديكي..إيديكي دوول
آخرك حتعملي إيه
مكرونة باشاميل
:0p
طب وحياتك ما اعرف أعملها.. اعرف اعمل حاجات تانية.. بس البشامل دا بالذات عقدة، المحشى اسهل منه
بس انا بأه ليا فى الحلويات والجاتوهات وكده.. ياللا اجوعك بالعند فيك
مش حتعرف واحدة ف تاريخ البني آدمين تجوعني بالكلام عن الجاتوهات و الحلويات
لإني أتحدى إن واحدة تكون بتعرف حتى تلتين الأصناف اللي كانت بتعملها جدتي و لو بتعرف نصهم مش حتعرف تعملهم زيها
عشرة أيام !!! أمال لو كانوا تلات سنين زى حلاتى تعمل إية ؟؟ تاكل فى الأسفلت :) ... يا باشا ده كاس وداير المهم خليك كووول خصوصاً مع شركاء العزوبية .. على العموم سيبك من بنت مصرية لأن العزومة شكلها عزومة مراكبية :) وعلشان تعرف أنا وصلت لحد فين فى الموضوع ده أنا هأعملك مكرونة بالبشامل ... أى خدمة :) بس ولو سمعت أى تعليقات عليها هتأكلها كلها وهتغسل الصحون كمان :)
عزومة مقبولة يا مهاجر
قولي فين و إمتى و أنا لو عرفت حجيلك
إيه رأيك ف التدبيسة دي؟
:0p
ياعم الحمد لله انت لسه عايش
إيه ده
دي بتشتي
شادي
من لم يمت بالطبخ مات بغيره
بسيطة ... عليَّ العزومة وعليك التذاكر والتأشيرة وخمس ساعات سفر ... إيه رأيك تحب تيجى ولا تنام خفيف :)
لأ
أنام خفيف أحسن
sydalany, I had almost the same conditions this year too :(
but my sis took the responsibility of destroying our life :D
I used to return from work late enough not to spend time in the house in this mess, about "el 3'aseel " fa balash e7raag but it was very close to what you said :)
now you know the value of your mother!! :)
Very cool design! Useful information. Go on! Phendimetrazine+online Keywords home appliances Kia sephia owner manual Cuba travel spots pfizer bextra legal com allegra+claritin+vs push pull car speakers t5r volvo http://www.childhoodeczema.info/bextraavailability.html Phendimetrazine from us jeep liberty Phone answer software Printable charges for a medieval coat of arms hard drives wisconsin bextra class action lawsuit
Very cool design! Useful information. Go on! Cheapest tenuate price paxil medicine Gmc c3 floor mats Domaine host Chrysler dodge jammin jeep Alexandra lesbo threesome cheap moving company water use dishwashers Easy batteries Good photoshop video card Kentucky s powerball Xanax withdrawl symtoms
إرسال تعليق
<< Home