أفلام كرتون ...أكشن تاني مرة
يمكن الهوا؟؟؟؟!!!
مش عارف بالظبط
......................................
إسمعوا دي
لو حمام سباحة فِضي من المية
إيه اللي حيحصل؟؟؟؟؟
؟؟؟
....
؟؟؟
مازنجر يطلع
إحساس جميل لما تقول نكتة زي دي و تلاقي اللي حوليك فهموها و مش بس فهموها ..ضحكوا عليها
ده معناه إنهم كانوا بيتفرجوا على نفس الكرتون اللي إنت كنت بتتابعه
و إحنا راجعين ف عربية واحد فيهم
سألتهم ببراءة زايدة
...................................
ياااه إنت رايق أوي
بتفكر ف حاجات غريبة
إيه اللي فكرك بيه
مافيش غير اللي بيسوق قالي إنه فاكر طشاش
..................................
إزاي نسيوه
معقول الوقت ينسيك حاجة كنت بتحبها أوي و متعلق بيها؟؟
إزاي
.................................
مازنجر ..مازنجر..البطل الشجاع..قواه الجبارة..تحارب الأعداء..مارد يحارب ..في البر أو في الماء..مارد يحارب..أطلق الصاارووخ ..لقد حان الوقت ..و أنتصف النهار..تجهز تحضَار ..لإطلاق الناار
مازنجر اللي قبضته بتطير 
بلاش مش فكرين العالم العجوز و هو بيقول أفروديتكان صوته مميز جدا..شبه بتاع عالم البحار الله يرحمه
أفروديت اللي كانت دايما تروح تحارب الرجال الآليين قبل ما يوصل مازنجر
كان عندها إتنين...صاروخين ف منطقة الصدر مكان ..يعني
كانت تضربهم و تقعد تنضرب ربع ساعة معبال ما ييجي مازنجر
أفروديت يا جدعان؟؟
...................................................................
............................................
......................
طب كان فيه واحد صيني كوميدي جدا
كانوا بيحاربوا ربوت صعب..قلع -طبعا مش ملط-و وقف ف عز الساقعة تحت الشلال
الشلال يا جدعان؟؟؟؟
...............................................
....................................................... 
طب الشرير اللي كان بيصنع الروبوتات
اللي كان دايما معاه عصاية حديد بتطلع لايزر و بيبدأ بيها تشغيل الروبوتات
ذو الوجهين.. نص وشه كان غامق و النص التاني فاتح
ذو الوجهين يا جدعان؟؟
كان المقر بتاعه ف جبل بيتفتح إتنين و يطلع الريبوتات
الجبل يا جدعان؟؟؟
...........................
...................................
طب مش فاكرين "جحيم"اللي كان رئيس ذو الوجه
بدقن طويلة بيضا و شرير
البيضا يا جدعان؟
طب مش فاكرين العيال اللي بالموتيسيكلات كانوا بيغلسوا على الواد اللي بيسوق مازنجر
كان زعيمهم متختخ شوية و كان فيهم شخصية مميزة جدا رفيع و دايما ريالته نازلة
الريالة يا جدعان؟؟
.......................................
....................................
http://www.geocities.com/dlta1/mazinger/mazin.wav
posted by sydalany-وش مكرمش @ ١١/٢٥/٢٠٠٥ ٠٣:١٠:٠٠ م
24 Comments:
طب فاكر سندباد وياسمينة...؟فكرتني بالذي مضي :)
يا نهار ابيض يا وش
انا طبعا فاكرة مازنجر وافروديت
بس راح عن ذاكرتى خالص كل الناس التانية
وانا بتفرج على صورهم دلوقتى حسيت انى (اعرف الناس دى.. عشرة عمر.. يا الزمن) وكده بأه
بس .. ايه ده؟.. ازاى كده، انت مش وراك كلية
.. وامتحانات. زسايب الامتحانات وبتفتكر فى مازنجر
الامتحانات يا جدعااااان
انا حاسس إنك ناسى إسم اللى كان بيسوق مازنجر
كان إسمه ماهر
ماهر يا جدعان
إيه دة أنا فرحانة جداً
و بحب مازنجر جداً و فكراه و فاكرة الأغنية. و فاكرة كمان غريندايزر بس مازنجر كان أحلى من غريندايزر
بس أنا فرحانة قوي قوي قوي عشان إنت فكرتني بالواد أبو ريالة دة كنت بحبه قوووووووووووووي.
و الراجل ذو الوجهين دة كان إسمه المزدوج.
ياريت يعرضوه تاني
لوووووووووول فكرتني بحاجات حلوة
قريت البوست ورحت على
view my complete profile
كنت عاوزه اعرف عندك كم سنة بس معرفتش :)
لا اله الا الله
ايه يا وش انا دلوقتى متخيلك بكيس الشيبس العائلى قدام سباس توون
بس بجد فكرتنى بحاجات كتير حلوة .. ايوه يا جدعان
ماشي يا أبو الغضب
:P
ياااااااااااااااه ازاى انسى مازنجر وماهر .. ده حتى ماهر كان فتى احلامى أول حب فى حياتى
:)
ما كانش اسمه ذو الوجهين..
كان اسمه "المزدوج"
المزدوج يا جدعان
ماريو
هو كان في افروديت
يا لهووووووووي
دا انا مغرمه بيها
اصلها الهة الجمال عند الاغريق
هما عملو لها بتاع
الحمد الله
الدنيا لسه بخير
ايام الطفوله الجميله .. اعتقد اننا اخر نسخه اطفال نزلت السوق .. معدش اطفال بعد الجيل بتاعنا ..
لحد دلوقتي بفتكر مازنجر و افروديت و ابو الغضب و المزدوج ..
و كمان بفتكر النينجا ترتلز و المعلم رشدان ..
و بفتكر بور رينجرز و مغامراتهم .. بس ف رمضان لما بطلوا النينجا و بدؤا يعرضوا البور رينجرز اتضايقت جدا كعادتي علشان مبحبش التغيير و لو للأحسن .. و لما اضطريت اني اتفرج عليهم عجبوني قوي ..
ميرسي يا صيدلاني علشان فكرتني بذكريات حلوه قوي قوي ..
طب حد فاكر :
جريندايزر ؟
الغواصة الزرقاء ؟
جونجر ؟
الرجل الحديدي ؟
الأميرة ياقوت ؟
كوالا ؟
سندباد ؟
من قصص الشعوب ؟
سنان ؟
الغابة الخضراء ؟
تحبوا أكمل ؟
:)
فكرتونا بأحلى أيام العمر :)
إيه ده .. ده انا باين عليا من كوكب تانى
للأسف كان نفسي أتجاوب معاكوا .. بس عمرى ماشفته ..أكيد كنت فى الجامعة ساعتها
اللى فاكره سندباد وقبل ماأودع برامج الأطفال كان فيه زينة ونحول
يااااااااااااه
زينة ونحول
كان عندي وقتها 4 سنين
ووالدتي كانت في المستشفى بتعمل عملية المرارة :)
انضم للقافلة يا أحمد :)
زمان لما كان حد يسألنى نفسك تطلع ايه لما تكبر كنت بقول عالم عشان أخترع مازنجر, لووول , زمان بقا يا جدعاااااان
يااااااااااه دا انت فكرتنا بالذى مضى يا جدع هيييه نقول ايه كانت ايام و عدت كانت ايام و راحت مش ممكن المره الاجايه تكتب عن غريندايزر
يااااااااااه دا انت فكرتنا بالذى مضى يا جدع هيييه نقول ايه كانت ايام و عدت كانت ايام و راحت مش ممكن المره الاجايه تكتب عن غريندايزر
يااااااه.. الله يسامحك يابني
خليتني واقفة مسنحة قدام البلوج بتاعك أعيد وأزيد في قراية الكلام واسمع المزيكا تاني..
أيام جميلة يا جدعان
;)
ده أنا حتى لسة حافظة أغنية التتر.. حتى شوف:
مازنجر..مازنجر
المارد الشجاع
قواه الجبارة
تحارب الأعداء
يقاتل ..يحارب
في البر أو في المااااااااء
مازنجر زي ي ي ي ي!
احم احم.. أنا هامشي من هنا أحسن منظري بقى بايخ!
:))
إلا مازنجر والدولفين والفواكة .. دول الحاجة الوحيدة اللى فاكرها من أيام زمان
مش اعرف ليه لما كنت صغيره مش كنت بشوف الرسوم المتحركه ..ولا كنت بالعب بعرايس..كانوا مسميني النظره...
...
لكن اكيد خير
ان دل هذا ع شي يدل عل عدم وجود اي عقد..انما مستقبل باهر اصنعه منذ الصغر
looooooool
انا كنت بحب مازنجر قوى برضو.. بس الصراحة بحب جرنديزر أكتر
بذات دايسكى :$ :$
Ana kont bamoot fe Mazenger, we kont metab3ah 7al2a 7al2a.kont metab3a bardo Grandizer, we Ra3d el 3emlak.Bas Mazenger kan mokhtalif.iza geh 3al Tv, just tell me 3ashan atab3o tany :-) 7aleyan ana metab3a Tom & Jerry( aho el mawgood) LOL
You have an outstanding good and well structured site. I enjoyed browsing through it » »
مرحبا
الله يعطيك العافية على التعليق الممتع ^^
انا احب الذكريات و لما شفت كلامك هنا انبسطت كثير
عجبني اسلوبك في التذكر و عجبني الجو الي عشته مع اصدقائك^^
إرسال تعليق
<< Home