الجمعة، ديسمبر ٠٢، ٢٠٠٥

إسمه شندويلي

ياااااااااااااااااااااااه

كل دي ناس فاكرة مازنجر

معلش يا جماعة ماردتش في الكومنت عشان يفضلوا بالأستك

طب إيه رأيكوا قبل ما أتكلم ف البوست نفسه أعمل حاجة ما
أظنش حد عملها قبل كده

حرد على الكومنتات جوا البوست

ويعني إنتوا أقل منها؟؟

ده يتعملكم بلوج مخصوص

الجملة الأخيرة

...وسعت مني شوية

.............................

إبن مصر:
لأ مش فاكر ياسمينة و سندباد....شكلهم من الجيل اللي
قبلي

..................................

بنت مصرية:

و الله يا بنت أنا مطحون و ده اللي خلاني ءأجل الرد على
الكومنتات إسبوع كامل

ده حتى كان عندي إمتحان النهاردة-الجمعة- الصبح

...............................

كتابة :

حرد عليك تحت

.....................................

تاتي:

حالة مميزة إن واحدة تكون بتحب أبو ريالة قوووووووووي

و السر في تلك الحالة يكمن ف الريالة

..................................

Chatter box:

المدونين اللي يعرفوا سني بالظبط حوالي 7 يعني ياما أوي

فمش لازم يزيدوا واحدة

و يا ستي أنا كنت صغير وقت مازنجر


ده حيديكي مسافة عمرية تخمني فيها

........................................

بيبو:

أول ما قريت الكومنت بتاعك كان فعلا قدامي كيس شبسي

و كان التلفزيون والع

بس مش على سبيس تون

كان والع على ديزني شانل

...................................


جيفارا:


أول ما قلتلي يا أبو الغضب إفتكرت الإسم على طول


قبل ما أي حد يبعت كومنت بالإسم


...............................

مويا:

الصراحة ما كنتش باحب ماهر و حوضح ليه تحت

.................................

eman –m:

حرد عليكي تحت

.....................................

ماريو
البورسعيدي:

طبعا فاكر كانت بتنادي عليه إزاي

الصراحة...مش فاكر

كل اللي فاكره إن كان فيه حاجة بتنور و تطفي

فييجي مازنجر

و حكاية أبو الغضب حرد عليها تحت

................................

حمرا:

تعليق غريب مالوش تعليق

.....................................

بفضفض:

عندك حق

أنا غلطان

......................................

Romantic rose:

لأ ..في نسخة أطفال معدلة

ما بيأثرش فيهم فيلم كرتون...لأ ..بيأثر فيهم قنوات
كاملة للأطفال

و معلش يا باشا على الغلطة اللي غلطتها ف الكومنات اللي فاتت

و حرد عليك بعد كده بصيغة المؤنث

:0p

.........................................

طعمة:

ياااه ..إيه كل المشاعر المكبوتة دي

تعيشي و تفتكري

...........................................

أحمد شقير أو
شكير ما أعرفش
:

زينة و نحول مين

و ده كان أبيض و إسود؟

................................

طعمة تاني:

أربع سنين و فكراها

يا ذاكرتك الحديدية

.........................................

أ.نشأت:

بس لو كنت طلعت عالم كنت حتعرف تتكلم بالطريقة الغريبة
اللي كان بيتكلم بيها

...............................................

إسلام يوسف:

لأ..لإني ما كنتش متابعه لإنه كان بييجي ف معاد وحش

لكن أوعدك إن سلسلة الكرتون مستمرة

......................................

ghada:

إنتي منظرك بقى بايخ؟؟

أومال أنا منظري إيه

.......................................

هيثم:

يا فرحتي بيك

أنا كنت متابع الفواكه و دولفين لإن وقت ما كانوا
بيتعرضوا كنت مسائي فكنت متابعهم أوي

........................................

أحمد السعيد:

لأ باة كان بيطير...و بص للصور اللي فوق

و موضوع أبو الغضب حرد عليه تحت

.............................................

خجل:

تقوليلي إيه اللي يخنقك من البنات على النت

أقولك إنهم لما ييجي يتكلموا يقولوا "مش كنت"و "مش أعرف"
كإنها خوجاية

أقولك

تشتري كلب

و باين جدا عدم وجود عقد ...من الرسمة اللي بتعبر عنك

معلومة مفيدة

الطب النفسي إتقدم أوي...و علاجك عندي

10 ساعات يوميا تغيري بين سباس تون و ديزني شانل

...................................................

Lasto adri

و أنا نفسي أتفرج على حلقات غرندايزر كلها

................................................................

.......................................................

.......................................


نبدأ بقى نتكلم


دلوقتي بعدما فكرتوني بأبو الغضب و المزدوج و ماهر


طب ليه ما كنتش فاكرهم بأسماءهم؟؟؟؟

بالنسبة لماهر


أنا فعلا ما كنتش باحبه لإنه كان بياخد نص وقت الحلقة و
أنا كنت عاوز أتفرج على مازنجر مش عليه


و أما بالنسبة لأبو وشين....اللي كلكوا عارفينه بإسم المزدوج


و الشرير الكبير ....اللي إنتوا عارفينه بإسم أبو الغضب


فليا تفسير لتمسكي بتعريفي الخاص للإسمين دول

أولا:

و إنا صغير ما كنتش بنطق إسم الشرير إلا لو كان كوميدي

مثال: دنجل..من أفلام ميكي ماوس

قبطان بومبة...من الدولفين

عصابة القناع....ميكي جيب

شنخر و ضخر و رشدان و

كرعون..... من سلاحف النينجا

ثانيا

دايما و إحنا صغيرين بنخرج الحاجات من مسمياتها و
بنسميها بأسماك بنحس بيها و نلمسها

و أنا صغير كنت بأسمي الزقاق

زواق

و باسمي التلفزيون

تفزيون

و كان أخويا و هو صغير أوي

بيسمي الحصان

أجَّه


بلاش كل ده

إبن بنت خالتي

ما كملش تلت سنين

بنت خالتي جابته و جت تزورنا

و أنا كالمعتاد كان عندي إمتحان و قاعد برة بذاكر

كان التلفزيون والع على فيلم تيتو

راسه و ألف جزمة قديمة إن أحمد السقا ف الفيلم إسمه

شندويلي

أمه تقله يا حبيبي ده إسمه تيتو

يقولها لأ شندويلي

تقوله تيتو

يقولها شندويلي

قالتله تيتو

قالها إنت ما بتفهميش حاجة

ده إسمه شندويلي

طبعا مت على نفسي م الضحك و ما عرفتش أركز ف كلمة

كل ما كنت آجي أذاكر ألاقيني أسأل نفسي..جاب شندويلي ده منين؟؟

يبقى من حقي أسمي أبو وشين ..ذو الوجهين ولا لأ


و بالعند فيكم


لو حد سألني عن إسم الشرير الكبير


حقوله



شندويلي



12 Comments:

Blogger ROMANTIC ROSE said...

شندويلي .. شندويلي ؟؟؟؟ طاهر .. تيتو .. يبقي علي يد ابن بنت خالتك شندويلي ؟؟

و الحصان يبقي اجه ؟؟؟ شئ غريب جدااااااااااااا ..

عايزه اسألك سؤال .. و ممكن اي حد يرد عليه .. هو رجوعنا كلنا للماضي و حبنا ليه و لافلام الكارتون و ابطالها و تذكرنا لاسمائهم و تترات حلقاتهم اللي عدت من اكتر من 15 سنه يعتبر نوع من انواع الهروب من الحاضر ؟؟ لو حد فينا سأل التاني عن اللي حصل الشهر اللي فات هيرد يقول .. يااااااااااه .. هو انا عقلي دفتر .. ده انا مش فاكر اكلت ايه امبارح .. يبقي تفسير ده ايه ؟؟

الأحد, ٠٤ ديسمبر, ٢٠٠٥  
Blogger Hany Mihanny said...

ههههههههه
يخرب بيت شيطانك بقي علشان تمنطقها تقلب الراجل من تيتو
لشندويلي
هتروح من ضميرك فين
يا مفتري

الأحد, ٠٤ ديسمبر, ٢٠٠٥  
Blogger خجل said...

خفيف يا راجل ..ايوه انا خواجه..ومش أعرفلي بلد ..وبتكلم جميع اللغات اللهجات العربيه

..
اما بالنسبه لسبيس تون ..فمش انا اللي كاتبه في المدونه بتاعتي
عن مازنجر

وشكرا

الأحد, ٠٤ ديسمبر, ٢٠٠٥  
Blogger sydalany-وش مكرمش said...

أحمد فوزي:
يا راجل
الشمس جزمة؟؟؟
دي حتى تبقى سخنة أوي


أحمد السعيد:
يا بختك

رومانتيك روز:
فعلا حاجة غريبة
أنا نفسي أعرف جاب شندويلي ده منين
و الواد صغير جدا ما كملش 3 سنين
و بالنسبة للذاكرة
إحنا إفتكرنا حاجات عدت علينا يوميا فترة عرض الكرتون
لكن ما أظنش يكون في حد يقدر يقولي إسم خمستاشر وحش إلا لو كان إتفرج قريب أوي

الأحد, ٠٤ ديسمبر, ٢٠٠٥  
Blogger sydalany-وش مكرمش said...

يـ.مجاهد:
حتروح من ضميرك فين؟؟
حستخبى ورا عقلي

خجل:
شكلك ما فهمتنيش ف موضوع سباس تون
إنك تتفرجي عليها ده نوع من العلاج النفسي لعقد الطفولة من أول عقدة الطفلة الشاويش لغاية عقدة الأخ الأكبر
:0p
لا شكر على واجب

الأحد, ٠٤ ديسمبر, ٢٠٠٥  
Blogger Ghada said...

على فكرة كان أبو الغضب اسمه البروفيسور "فيوري"
fury
وذو الوجهين ده كان اسمه المزدوج..
إيه يا جماعة.. انتم ما عيشتوش طفولتكم ولا إيه؟

وتقول لي شندويلي!
(إيه رأيك في مجينص أحسن؟!)
:PP

الاثنين, ٠٥ ديسمبر, ٢٠٠٥  
Blogger sydalany-وش مكرمش said...

ما جبتيش الديب من ديله
"بس على الله يكون له ديل"

ما هو الناس كلهم قالوا البقين دول و بالنسبة لأبو الغضب ليه أكتر من إسم على حسب البلد اللي تم دبلجته فيها
يعني فيه موقع يبدو إنه أمريكاني مسميه دكتور هيل
يعني جحيم

و على موضوع شندويلي
أنا قلت اللي حصل ولو كان الواد إبن بنت خالتي قال مجينص كنت قلت مجينص

:0)

الثلاثاء, ٠٦ ديسمبر, ٢٠٠٥  
Anonymous غير معرف said...

كان فيه موضوع منشور على موقع عشرينات من مدة وكان بيقارن بين شخصية البطل الياباني مازينجر أو جريندايزر وبين البطل الأمريكي سوبر مان ، وكيف أن أمريكا عملت الإنسان الخارق في حين أن اليابان عملت الآلي الخارق!! أما عن سؤال روز فلا أظن أنه هروب من الحاضر على وجه العموم، ولكننا عندما كنا أطفالاً كانت تلك الأمور تحتل مرتبة هامة في حياتنا وبالتالي إنطبعت في الذاكرة علي تلك المرتبة ، وعندما كبرنا تعدلت موازين الأولويات

الثلاثاء, ٠٦ ديسمبر, ٢٠٠٥  
Blogger Ghada said...

:))

الأربعاء, ٠٧ ديسمبر, ٢٠٠٥  
Blogger AZ said...

والله كنت لسه قاعده مع ناس معرفه حلوين كده سن سته وعشرين وتمانيه وعشرين وكل الناس اللى فى سيلانترو اتفرجوا علينا عشان كنا شغالين احنا سباس تون يا معلم ساعتين متواصل..... وخد عندك بقى من اول لولو الصغيره لولو. حلقاتها مثيره ... لولو...... لحدد ياسيدى مازنجر وشركاه.... وطبعا احنا مكانش فارق معانا انهم يضحكوا علينا عشان لو كنا عايزين كنا دمرناهم باشعة الفوتووووووووووووووووووووووووون

الجمعة, ٠٩ ديسمبر, ٢٠٠٥  
Blogger sydalany-وش مكرمش said...

هههههههههه
حلوة حكاية أشعة الفوتون دي

أنا دلوقتي باتفرج على ديزني شانل لإن سباس تون مخنقة شوية في إنها كل شوية بيقطعوا الكرتون و يقولك سنعود
و يخليكي غصب عنك تتفرجي على إعلانات غبية ف مستوى الطفل المتخلف عقليا من أول نيو بوي لغاية إعلانات اللبان اللي معاه هدايا
و ده ما بيحصلش ف ديزني شانل
مافيش ولا إعلان غير الإعلانات بين الكرتون عن حاجات حتيجي على القناة يعني مش إعلانات تسويقية على قفى المشاهد

السبت, ١٠ ديسمبر, ٢٠٠٥  
Anonymous غير معرف said...

Excellent, love it! Anal objectgs Canada bondage Cum on my teeth asian model gallery email address of football clubs Seroquel antipsychotic agent Drugstore com pharma Holland pornstars asian big tits masturbate Cum on brocade Asian t-girls answering free internet phone service wet asians teens Silver charm bracelet free gevalia thermal coffee makers 2 acuvue lens opaque

الجمعة, ١٦ فبراير, ٢٠٠٧  

إرسال تعليق

<< Home

جميع حقوق النقل و الطبع محفوظة لصاحب المدونة©