عنوان صعب يتنطق:..وش مش مكرمش
العمر
ما عرفش يعلم على وشي بحدة طبعه
شعري
ما رفعش الراية البيضا وسلم للشيب
ولا انهزم للصلع و طلب حق اللجوء السياسي لكتافي و البلاعات
عيوني
لساها قادرة تحضن ضيك و تمثل إنها مش شايفة خيالك
وداني
لساها بتسمع دوشة الفانات ف الكمبيوتر و زنة اللمبة النيون
كفوفي
لسة بتعرف تمسك كوباية الشاي مسكة صعيدي و بتعرف تمسك فنجان القهوة بصباعين
عضامي
لسة بتتحمل نرفزتي و عنادي ف الحيطان
لكن
و برغم كل ده
جوايا واحد يشبهك
راجل عجوز
posted by sydalany-وش مكرمش @ ١٢/١٤/٢٠٠٥ ١١:١٩:٠٠ ص
13 Comments:
تجاعيييد
تملأ مآقينا
وتنتشر فينا
وتهلكنا
وتدمينا
.
.
.
صيدلانى
كلامك غرييييب
أيه البراءة دى يا عم
إنت كنت عيل صغير فى يوم من الأيام ولا أيه
ماريو البورسعيدي:
ياعم ماريو المعاني زي الشرار لازم حاجتين يطقشوا ف بعض عشان تتولد معاني ممكن نشوفها
لكن ده ما يمنعش إن لكل حجر لوحده معنى خاص بيه
حلم:
غريييب دي يعني حلو ولا وحش
ولا مش مفهوم
ولا مش ملمس معاكي ف الدنيا اللي حوليكي؟؟؟؟
يا ريت توضحي
كتابة:
كنت؟؟؟؟؟
و مين قالك إني مش لسة عيل صغير
:0p
بس بجد أنا كل ما أشوف صورتي دي بابقى نفسي أعرف أنا كنت بافكر ف إيه ساعته
أزال أحد مشرفي المدونة هذا التعليق.
أولاً :كلمات ماريو البورسعيدي فكرتني بمقولة سيد حجاب
يا ترى اللي بيعيش الزمن إحنا والا الزمن هو اللي بيعيشنا؟؟؟
الجملة دي كل ماتخطر على بالي بتجنني لأني بجد مش عارفة الجواب
ثانياً : أنا شايفة إن الظروف اللي حوالينا ليها تأثير كبير علينا أكبر من تكوينا الشخصي او الجسماني
يعتي لو راجل عجوز و الظروف اللي حواليه طبيعية و كويسة و مستقرة اكيد هيكون سعيد
و العكس صحيح
و الظروف اللي شايفنها قدامنا و عايشنها دلوقتي لو أي طفل صغير إستوعبها و فكر فيها انا متأكدة إنه هيعجز من جواه
ربنا يلطف بينا
تعبيرات حساسة جدا ياوش ... فعلا عجبتني جدا .. والتهاية بصراحة مفاجئة
المفجأة بجد صورتك .. عشان كنت متخيلك بنفس الشكل ده
انت كده أحسن من التفعيلة ميت مرة..هايل هايل
وش
غريب يعنى
حلو
زى ما تلاقيهم كدة بيقولوا فظيع يعنى حلو برضه
المهم انه لمّس
يعنى الدنيا اللى حواليا فيها برضه وشوش
كلها وشوش
الدنيا ياما هتشوف فيها ناس بمليون وش
وفية ناس بوش وقبها طيب وصافى
زيك كدة اخى
تسلم على المشاركة والعرض الطيب
وفقنا الله لما فية الخير
مع خالص تحياتى
أزال أحد مشرفي المدونة هذا التعليق.
Enjoyed a lot! » »
Keep up the good work »
Wonderful and informative web site. I used information from that site its great. 1996 pontiac gran am engine information home security The backpack mysteries Dance dance revilution flowers online training Canadian dental procedure code
إرسال تعليق
<< Home