الجمعة، أغسطس ١١، ٢٠٠٦

تيجوا نسمي الجنيه


كنت باكتب تدوينة طويلة و مملة بعض الشئ-ما تقلقوش مش حارحمكم و حنزلهالكم في يوم من الأيام-لما طقت في دماغي فكرة


ليه ما تتسماش عملة البلد بإسم رئيسها ....أيوة
يعني نسمي الدولار بوش و نسمي الجنيه مبارك
تصوروا معايا
لما العملة بتنزل بتلاقي الناس بتقول دلوقتي الجنيه ما يساويش...مالوش قيمة ...الدولار طاحن الجنيه ...ما باخدش غير كام ملطوش....إلخ
فلما العملة تتسمى برئيس البلد أكيد حيبقى عنده إهتمام أكتر في الحفاظ على إسمه عشان يقولوا إن قيمته بتزيد
و كمان لها فايدة سياسية في الدول المكبوتة ،الناس بدا ما يشتموا في الحكومة حيشتموا العملة و ساعتها يبقى عقابهم أسوأ من اللي شتم الحكومة ....تتصادر العملة اللي معاهم بتهمة إزدراء العملة
ساعتها الناس حتقدر عملة البلد
و تفيد كمان في توريث الحكم أو نقله
فلو توريث حيبقوا مش محتاجين يغيروا إسم العملة
و لو حصلت إنتخابات حيبقى الشعارات الإنتخابية سهلة مثال:إنتخبوا من تجدوه في جيوبكم...إنتخبوا من يأتي بجميع إحتياجاتكم.......إنتخبوا عملة بلدكم
و ساعتها حيتخلق حاجة للتوريث عند الناس نتيجة إرتباط نفسي ...الناس دايما محتاجة فلوس و الفلوس تقاس حاليا بالجنيه و بعدها بالمبارك فحتبقى الناس محتاجة مبارك دلوقتي و بعدين
و بالمرة نسمي الفكة بأسامي الوزراء و تحديدا
رئيس الوزراء...النص جنيه
وزير المالية.....الريال
وزير الإقتصاد....ربع جنيه
ولا مانع ضم الإتنين
و وزير التموين .....شلن
و هكذا
و بعد ما ترجع قيمة الجنيه ممكن نرجع القرش و السحتوت و التعريفة و النكلة و ساعتها نقدر نغطي الهيكل الوظيفي المؤثر في سعر العملة

أنا عارف فكرة فظيعة
أستاهل عليها مليون مبارك
مليون على دماغي

28 Comments:

Blogger محمد أبو زيد said...

لما يكون اسمه هو مكان الجنيه ، اسم ابنه هيبقى مكان الشلن
وبعدين ممكن المعارضة تنادي بعد كده
من ده بكره بقرشين

السبت, ١٢ أغسطس, ٢٠٠٦  
Blogger msafa said...

افكارك تودى فداهيه

شكرا على زيارة مدونتى
انا مش ناقص ملح كفايه الملح اللى انا شاربه ليل ونهار

السبت, ١٢ أغسطس, ٢٠٠٦  
Blogger Moia said...

انا بس جايه اقولك حمد لله على السلامه :)

السبت, ١٢ أغسطس, ٢٠٠٦  
Blogger Tarek said...

على فكرة ... إنت نسيت البريزة حانسميها إيه

السبت, ١٢ أغسطس, ٢٠٠٦  
Blogger مـحـمـد مـفـيـد said...

مش لما نلاقي الفلوس الاول نبقي ندور هنسميها ايه؟

السبت, ١٢ أغسطس, ٢٠٠٦  
Blogger Nouran said...

طب انت شفت مبارك العملة المعدنية ايه رايك فيها :)

السبت, ١٢ أغسطس, ٢٠٠٦  
Blogger hero said...

طب اليورو هتسميه على اسم مين من رؤساء دول الاتحاد الاوربي ال 25

السبت, ١٢ أغسطس, ٢٠٠٦  
Blogger farida said...

أول مره أزورك
فكره جميله جدا و بوست مبتكر و دمه خفيف
ياريت عملة العرب تتوحد و يكون في إقتصاد عربي مشترك
لكن نسمي الجنيه "...." لا ياعم
و يفضل معانا طول العمر .. مش كفايه الربع قرن ده

السبت, ١٢ أغسطس, ٢٠٠٦  
Blogger Ayyam said...

هههههههههه
ينهارك أحوس يأخى تف من بوءك. طيب علشان حاجه دايقتك يبقى عايز تخرب بيوتنا ليه بس . يعنى مش كفايه اللى أحنا فيه ومستحملينه عاوزه كمان يجيب عائلته كمان ده يبقى حرام عليك والله. والنبى لو سمحت أمسح البوست ده بسرعه لحسن ما مبارك يقراه وتطلع الفكره فى دماغه ونقع فى خبر كان

بوست رائع وفكره ميكافيلييه

السبت, ١٢ أغسطس, ٢٠٠٦  
Blogger shoowbash said...

يالهوتيييييييييييييييييييي
يعني كل واحد فينا هيبقي في جيبه اكتر من مبارك

ولا لو واحد شغااال في بنك
حرام عليك واللهي
تبقي كل تعاملات بالبتاع ده اللي اسمه مبارك
:)

السبت, ١٢ أغسطس, ٢٠٠٦  
Blogger خالد كامل said...

الفكره جمليه و مبتكره واهو بل مره ناسمي كل حاجه باسم مبارك حتي الناس

السبت, ١٢ أغسطس, ٢٠٠٦  
Blogger بعدك على بالى said...

وش مكرمش

انا عرفت الان الافكار دى بتجيبها منين؟؟ ماهو كل فكرة بتكرمش وشك حبة... بجد لم اتخيل ابداانى ممكن اضحك كده وانا بزورك لاول مرة ..موت على روحى من الضحك وكم كنت بحاجه فعلا له..
بالمناسبة الحق سجل الفكرة قبل اللى بالى بالك ما ينفذ اقتراحك مؤكدا انه بناءا على رغبة الشعب....

تحياتى لمدونتك وسعيدة بزيارتك

الأحد, ١٣ أغسطس, ٢٠٠٦  
Blogger meho said...

a7lah 7ageh el baya3een tenadee,,,ay 7ageh be mobarakeen we nos ,,, el fekrah metr2ah bs 7elowah moot

الثلاثاء, ١٥ أغسطس, ٢٠٠٦  
Blogger bo9ali7 said...

LOL
what a briliant idea!!!?
heheeehe

الثلاثاء, ١٥ أغسطس, ٢٠٠٦  
Blogger ادم المصري said...

يا وش
انت بجد فظيع
وافاكرك تجنن
تستاهل بيها ميت الفي مليوم مبارك فوق دماغك ودماغك اللي جنبك كمان

الخميس, ١٧ أغسطس, ٢٠٠٦  
Blogger Romantic Rose said...

هي مصر متحمله مبارك واحد لما كل واحد يبقي ف جيبه كذا مبارك ؟؟ يا ابني حرام عليك .. احنا عملنالك حاجه ؟؟

و بعدين احيلك لمدونة أرابيسك تقرا بوست "كفاية تهويد لمصر" .. هيعجبك !!

الجمعة, ١٨ أغسطس, ٢٠٠٦  
Blogger أجدع واحد في الشارع said...

ههههههههههههههه
والله فكرا حلوة

الجمعة, ١٨ أغسطس, ٢٠٠٦  
Blogger your said...

phentermine nice :)

الجمعة, ١٨ أغسطس, ٢٠٠٦  
Blogger your said...

phentermine nice :)

الجمعة, ١٨ أغسطس, ٢٠٠٦  
Blogger sydalany-وش مكرمش said...

محمد أبو زيد
هههههههههههههه


msafa
مش في داهية ولا حاجة ...طالما الفكرة منطقية و قابلة للتطبيق و مفيدة للحكومة يبقى ماحدش له ععندي حاجة
:0))



Moia
الله يسلمك


Tarek
نسميها جيمي




مـحـمـد مـفـيـد
يااه ...صعبت عليا بجد
و بما إن رمضان قرب
بتروح أي مائدة رحمن؟؟؟
:0p

Nouran
لأ ما شفتوش
كل ما حد يتحصل على واحد يخليه في البيت ذكرى

hero
بسيطة يشوفوا الحروف اللي أسمائهم بتجتمع عليها و يختصروها في كلمة واحدة و أكيد الحروف المشتركة مش حزيد عن 20 حرف

farida ...
طب لو العملة إتوحدت حيبقى إسمها إيه
أظنهم حيسموها كوندليزا مجاملة \


Ayyam ...
حلوة أحوس دي مش منتشرة في إسكندرية

shoowbash
إيه المشكلة و بصلها بإيجابة ...تصور كده لو شحات إديتله مبارك في إيده حيعمل إيه....أكيد حيبطل شحاتة

خالد كامل
مافيش مانع يا مبارك مبارك بس يا ترى جدك إسمه مبارك ولا مبارك؟؟؟

بعدك على بالى
و أنا سعيد أيضا

meho
أنتوا لسة شفتوا حاجة
أنا لسة أعتبر في أجازة




bo9ali7 ...
يعني إيه إسمك ده؟

admelmasry
ربنا يكرمك و يزيدك
جنان

Romantic Rose
لكي وحشة
برضه لسة ما لكيش بلوج



أبن الشارع
الله يكرمك




phentermine :)

الاثنين, ٢١ أغسطس, ٢٠٠٦  
Blogger أحمد فؤاد الدين said...

موضوعك جميل جداً و أريد أن أنشره في أحد الجرائد أرجو الموافقة

الاثنين, ٢١ أغسطس, ٢٠٠٦  
Blogger sydalany-وش مكرمش said...

إعملي آد على المسنجر
sydalany@yahoo.com
عشان ما أقدرش أوافق إلا لو عرفت تفاصل عن الجرنال إسمه و إتجاهه و طريقة عرض الموضوع
و كمان حاحزف كام جملة جامدين
من الآخر ممنوع النشر لغاية ما نتكلم سوا لكني مش معنى رفضي دلوقتي إني مش موافق إنه يتنشر لكن محتاج معلومات الأول

الاثنين, ٢١ أغسطس, ٢٠٠٦  
Blogger زنفل المعجباني said...

فكرة أوريجينال
لا يمكن تطبيقها إلا في بلد مستقر
مستقر فيها الحاكم لمدة ربع قرن و نتفاهم يعني

أقترح نسميها العملة الضاحكة

أنا برئ جداً و ما أقصدش أي حاجة ليها علاقة بأي منتج للألبان
إنتو اللي نيتكم وحشة

الخميس, ٢٤ أغسطس, ٢٠٠٦  
Blogger Sampateek said...

فكرة مفتكسة و تستاهل عليها الايزو
يبقي انا بقبض في الشهر خمستاشر اللي ميتسماش
و بدفع ايجار خمسين اسمه اية
بس اسمه صعب علي لساني بضرس لما انطقه
-----
و طبعا مننساش ماما بريزة
و يبقوا كده بلعين البلد
حقول اية
ربنا كبير
يتنقل زي متنقل رمسيس
بس مش للمتحف للرفيق الاعلي
خالص تحياتي
في كريم كراميل للزائر رقم 700 تعالي يمكن يحالفك الحظ

الأحد, ٢٧ أغسطس, ٢٠٠٦  
Anonymous غير معرف said...

هى فكرة كويسه موت بس أنا موش هرضى بيها لأن مبارك ميسواش تعريفه !

الثلاثاء, ١٠ أكتوبر, ٢٠٠٦  
Anonymous غير معرف said...

Best regards from NY! »

الأربعاء, ٠٧ فبراير, ٢٠٠٧  
Anonymous غير معرف said...

Very nice site! woman plus shoes baccarat dom perignon white wine http://www.jenna-jameson-pics.info/shaved_tight_pussy_peeing.html lexus gps analog loca ankylosing spondylitis and eczema Best completely free popup blocker Man skateboarding shoes combat boots for children medieval knee boots Real estate online schools What are the symptoms of a valium addict Zithromax and tylenol Buy online.maclenet.com site xanax trappers boots Custom dog sweater 1997 cadillac deville engine problems Price propecia

الأربعاء, ١٤ فبراير, ٢٠٠٧  
Anonymous غير معرف said...

Keep up the good work film editing schools

الأربعاء, ١٤ مارس, ٢٠٠٧  

إرسال تعليق

<< Home

جميع حقوق النقل و الطبع محفوظة لصاحب المدونة©