الأحد، فبراير 05، 2006

أصعب حلم ممكن تحلم بيه و ما يكونش كابوس


قليلة أوي الأحلام اللي ممكن أفتكرها بعد ما أصحى
حبدأ سلسلة من تلات مواضيع عبارةعن تلات أحلام حلمتهم
آخرهم ده
كتبته أول ما صحيت عشان ما أنساش
الحلم الأول

رايح اللجنة ...صوت قالي إنت محمود سامي
قلت :أيوه
حتروح معايا لأمن الدولة ف "مش فاكر قالي فين اللي فاكره إنها مسافة" بعد ما تخلص إمتحان
دخلت اللجنة
ورقتي مكتوب عليها يذهب لأمن الدولة
روحت بيتنا
في نقاش عائلى مش فاكر مع مين و مختلط بأفكاري الخاصة
فكرت أخويا أكيد حيقولي هو حد يرمي نفسه ف النار ما تروحش
و أن فكرت هو أنا عملت إيه يكونش البلوج...بطلت سياسة و مواضيع مشاكل من ساعة حادثة الكنيسة
الكنيسة"فلاش باك"
أنا ماشي ف طرقة الكلية
واحد المفروض إنه صاحبي "مع إن الشكل ده ما أعرفوش"و لقيتني عارف إنه إخوان
قالي: كرستين منعوها تبقى معيدة
قلتله"و كل ه ف الفلاش باك":أحسن و قعدت أهزر معاه
الفلاش باك يختفي بصورة سينمائية
يبقى الحل أروح الإمتحان و أمشي بدري شوية
روحت اللجنة
لقيت مكاني
صوت المعيدة ...حتروح بعد اللجنة
إمتحان سيوتيكس
الحل ف نفس الورقة
عبارة عن أسئلة صغيرة بس كتيرة أوي
مدة "و دماغي بتألف أسئلة ما أنزل اله بها من سلطان و أحلها حلول منطقية" و سبت حبة أسئلة ما حلتهاش
ضلمة
أنا مع اللي قالي إننا رايحين مع أمن الدولة و واحد كمان
ركبنا من عند كوبري محرم بيه العصافرة
قلتله كنا نركب الملاحة"مع إن المكان ده لا له صلة بالكلية..و كمان ما بيعديش منه مشاريع..من تحت الكوبري"
ركبنا لعصافرة و رحنا بعدها نركب حاجة دمياط"مع إن أمن الدولة ف إسكندرية ف شارع الفراعنة جمب الكلية ما فيش خمس دقايق مشي
ضلمة
أنا داخل الكلية و قابلت واحد رمش فاكر قلتله إيه
فكرت"يااااااه ده أنا سايب أسئلة ياماما حلتهاش"
سألت :هو ينفع أدخل اللجنة تاني
قالي آه طبعا
ضلمة
كراسة الإمتحان و قلبت فيها ناقصلي تلات ورقات لسة ما جاوبتش عليهم و الوقت متأخر أوي
قعدت أحل بسرعة ....و أحل و أحل...ياااه خلصت
ضلمة

فتحت عنيا
ورقة الإمتحان لسة قدامي
هو فيه إيه
رد عليا صاحبي
إنت عينك غفلت خمس دقايق بس ما فتش وقت كتير
بصيت ف الساعة :واحدة و نص و خمسة
قلبت ورقة الإمتحان
اللي محلول آخر تلات ورقات
و الباقي كله مش محلول
أسئلة غريبة و من غير إختيارات "على عكس الإمتحان اللي كنت حليته"
مش عارف أحل
أنا أنا
أنا عاوز أدخل الحمام
و أنا رايح لمحت أخويا نايم على سريره ف أوضته اللي ف آخر الطرقة
و

إيه ده
أنا كنت بأحلم كل ده
أيوه حلم لإن الإمتحانات السنة دي كان تسعة و الساعة كانت واحدة و نص
أفتح عيوني
فتحت
لقيت نفسي قدام حمام بيتنا القديم و فيه حد جوا
إستنيت
ضلمة
فتحت عيوني
أنا دلوقتي على سريري
اللوح اللي ف طرف السرير وقع
قمت
رحت الحمام عشان أغسل وشي لقيت حد ف الحمام
"إيه ده هو أنا لسة باحلم"
غمضت عنيا و فتحتها
لسة ف مكاني...الحمام فضى...دخلت و ..و إتوضيت و طلعت أصلي الصبح
و رحت للأنتريه أصلي و أنا رايح قررت أكتب الحلم ف البلوج و قعدت أحاول أفتكر طب هو إمتحان السيوتكس كان جي إزاي السنة دي
آه كان جي أميريكان إختيارات
يبقى تمام أنا كده مش باحلم و صحيت
دخلت ف الصلاة
""وسواس و أنا ساجد....إنت لسة ف حلم و لا صحيت"
خلصت صلاة
ولعت الجهاز
الدي إس إل واقف
يبقى حكتبها وورد
فتحت الوورد
أخدت سندويتش من سندويتشات الفطار
قطمة
و أكتب
قطمة
و أكتب
قطمة
و أكتب

و .......


سيفت الفايل
و قفلت الوورد
Shut down
الخلفية الزرقة لقفل الإكس بي
و ..................................
...................................
....................................
ضلمة
.

12 Comments:

Blogger فنجان قهوة said...

ماتقلقش
ورقة الامتحان فى الحلم خير
وامن الدولة فى الحلم خير
وزيادة الخير خيرين
بطل تفكير شوية وكله هايعدى

الاثنين, 06 فبراير, 2006  
Blogger 451 فهرنهايت said...

عارف أنا الامتحانات الهلس بتاعة الأحلام دي ...أعوذ بالله
انما حكاية أمن الدولة اللي بينطوا في الحلم دول شديدة بجد ..خلي بالك واصحى فورا
ياعم قول خير اللهم اجعله خير , وحمدلله ع السلامة
شد حيلك

الاثنين, 06 فبراير, 2006  
Blogger taty said...

سبحان الله
والله الامتحانات ياما بتعمل في الواحد اكتر من كدة

الاثنين, 06 فبراير, 2006  
Blogger rubyeldaly said...

معلش يا محمود الامتحانات ياما بتجيب كوابيس وبلاوى بس متلاقيش غير امن الدولة وتحلم بيها
معلش اللهم اجعلة خير

الثلاثاء, 07 فبراير, 2006  
Blogger The Doctor !i.. said...

ماشاء الله البلوج أكثر من رائع والله
يعطيك خيره ويكفيك شره أما بخصوص الحلم فلست مفسرا لها ويقول الرسول الكريم بمعنى الحديث أن الرؤيا كالطير كما فسرت وقعت الحديث ... وهذا بمعنى أن الإنسان كلما رأى رؤيا سواء أكانت خيرا أم شرا فمن الأفضل ألا يخبر بها كي لاتقع كما فسرت لكن إن أحبب أن يفسرها فمن الأفضل أن يذهب لأهل العلم لكي لايجد تفسير خاطئ وبصراحة كان ودي أفسر زي الشباب فوق بس ماحبيت أتفاول عليك وأفسر خطأ

ودمت ... برعاية الرحمن

الثلاثاء, 07 فبراير, 2006  
Blogger sydalany-وش مكرمش said...

فنجان قهوة:
ههههههه
من إمتى أمن الدولة ف الحلم خير
:0)

فهرنهايت:
ربنا يسترها معانا جميعا

تاتي:
ده كان بعد ما خلصت يا تاتي بس يوميها كنت نايم لأكتر من 17 ساعة ف ال 24 ساعة

الدكتور:
يا عم الدكتور
أولا دي مش رؤيا دي أضغاث أحلام
و حتى لو رؤيا فإني أحطها على البلوج فده يعني إني مش عاوز تأويل
و تأويل الرؤيا مسألة صعبة و واسعة
و الرسول صلى الله عليه و سلم لما جاءه أحدهم و قال له أنه رأى .....إلخ
لم يقم الرسول بتأويله بل قال له و ما ترى فيها ...قال أضنها كذا و كذا ...فقال له أنه إقترب
أو كما قال

و شكرا على رأيك ف مدونتي
:0)

الثلاثاء, 07 فبراير, 2006  
Blogger change destiny said...

حلمك يا شيخ علام
ايه يا ابني دة ؟ محرم به... العصافرة .. حادثة الكنيسة .... أمن الدولة ... سيوتكس ... أخوك ....سايب أسئلة ياماما حلتهاش ....إخوان .... حلمك تحول الى فيلم من أفلام السينما المستقلة أقترحلك اسم عشان تقدمه في مهرجان الشهر الجي
"My darkest fears "

اللهم اجعله خير

الثلاثاء, 07 فبراير, 2006  
Blogger The Doctor !i.. said...

أخوي الغالي وش مكرمش أتمنى ألا يكون ردي عكس أي صورة سلبية عني فأنا لم أقصد الإساءة لكن لو سمحت لي بمداخلة وهي أن كلامك ليس صحيحا فهذه ليست أضغاث أحلام وإن مايراه الإنسان في المنام ثلاثة أنواع وهي كالآتي : إما أن تكون رؤيا وهي من الله أو يكون حلم وهو من الشيطان وأما الثالث فهو مايسمى بأضغاث الأحلام وهي تكون بسبب أن الإنسان كان يفكر في أشياء وهو مستيقض وعند نومه تأتيه هذه الأشياء إذا فكر بها بكثرة وهو مستيقظ فهذا هو المقصود بأضغاث الأحلام والله أعلم

ودمت ... برعاية الله

الثلاثاء, 07 فبراير, 2006  
Blogger sydalany-وش مكرمش said...

change destiny:
تمام بس لو كده يبقى مسئوليتك تحويله لفيلم عشان النتيجة حتطلع هايلة بس ما حدش حيفهم حاجة


عم الدكتور:
وأما الثالث فهو مايسمى بأضغاث الأحلام وهي تكون بسبب أن الإنسان كان يفكر في أشياء وهو مستيقض وعند نومه تأتيه هذه الأشياء إذا فكر بها بكثرة وهو مستيقظ فهذا هو المقصود بأضغاث الأحلام والله أعلم

يبقى بناءا على كلامك و معلوماتك تبقى هي أضغاث أحلام لإني فعلا ما بيعديش يوم غير لما بافكر في حاجة من اللي فوق قبل ما أنام إن ما كانش فيهم كلهم
:0>)×××

الأربعاء, 08 فبراير, 2006  
Blogger Dalia Fouad said...

ولا يهمك يا زميل
أكتر من كده وربك بيزيح
مجربة أنا التهييس ده أيام الامتحانات
بالتوفيق يا دكتور
وتطلع منها على خير وبعقلك

الجمعة, 10 فبراير, 2006  
Blogger GoGa said...

ايه يا عم الأحلام الكتيره دي افلام مش أحلام
دانا بانسي الحلم قبل ماصحي
علي العموم بلوج جميل

السبت, 20 مايو, 2006  
Anonymous غير معرف said...

Excellent, love it! Anal screensavers moms big cock Paris hilton house Free porn toon pictures Free tennis screensavers gay anal sx negotiating dodge ram srt10 christie projector price Rounder ass Keno online gambling slots webmaster.windowscasino.com Beautyrest simmons thera foam mattress pad http://www.data-macintosh-recovery.info/recover_the_format_hard_disk.html effexor rx testimonies Men webcam Eliminar las paginas de lesbianas http://www.amateur-6.info/Stacy-anal.html

السبت, 03 فبراير, 2007  

إرسال تعليق

<< Home

جميع حقوق النقل و الطبع محفوظة لصاحب المدونة©