السبت، يناير 14، 2006

شخابيط


أثناء التجول بين المدونات من فترة مش قليلة جذب إنتباهي سؤال
أحدهم يسأل أيهما أقرب للصحة
أغنية أم كلثوم"الحب من غير أمل أسمى معاني الغرام"؟؟
أم خالد عجاج"أصعب حب إن تلاقي اللي إنت تحبه ما بيحبكش"؟؟
و من عادتي التي لا أرى لها أي سبب ..فكرت
في رأيي من الغباء أن أعاني وحدي .....
وعليَّ و على حبايبي و المساواة في الحب عدل
و جه ف دماغي تشبيه عوَّرني
كإني بحب حيطة وفوق كده الحيطة مش في بيتنا يعني مش حقدر أعلق عليها صورتي ولا أشخبط عليها زي ما بعمل دلوقتي
و طبعا مش حقدر أسيب مشاعري تحضنها لإنها حتصدها و تصدمها و ما ينوبنيش غير الكدمات..مش حيطة بقى
و ده ما يمنعش إن ممكن الواحد يتكعبل في "حيطة "و هو ماشي بس بفكرة بعيد عن العين بعيد عن القلب بيتلاشى كل ده و......بس كفاية كده عشان ألاقى حتة في حيطان الشارع أشخبط عليها بعدين

8 Comments:

Blogger el.koptan said...

مهما هتشخبط على اى حيطه
مسير الزمن هيمحى اللى انت مشخبطه
الا لو كانالشخبطه دى جواك

السبت, 14 يناير, 2006  
Blogger La brize said...

ما اقدرش انكر انه تشبيه واقعى لكن خشن شويه
رأيى ان الحب من طرف واحد ده بيبقى ذى حب فارس و فتاة الاحلام يعنى جوانا حب كتير فبنكرسه لحد يملى مكان الصوره الفاضيه لكن ما اقدرش افتى علشان الظلم حرام

الأحد, 15 يناير, 2006  
Blogger خجل said...

بيتنا لسا مدهون جديد
لو حصل حاجه
والله ابلغ البوليس

الثلاثاء, 17 يناير, 2006  
Blogger bosbos said...

اللي قال الحب من غير امل اسمى معاني الغرام فريد الاطرش في اغنية بنادي عليك مش ام كلثوم يا صيدلاني

غلاسه مش اكتر:)

الأربعاء, 18 يناير, 2006  
Blogger taty said...

كلامك فكرني بواحد استضافته نجوى إبراهيم زمااااااان في برنامج فكر ثواني و إكسب دقايق قال إنه بيكتب شعر و هيقول جزء منه
الجزء دة بقا:
كتبت إسمك عالبيبان ....عالحيطان,,,جيه المبيض بيض
:)

الأربعاء, 18 يناير, 2006  
Blogger Lasto-adri *Blue* said...

ياجماعة قلت ميت مرة "الحب من غير امل" فريييييد... والله العظيم فريد الأطرش

وعيب بقى تغلطو فى الرجل اكتر من كدة .. أنا مسمحش


:@ :@ :@
كله الى فريد يا وش مكرمش

سى يو سوون

الخميس, 19 يناير, 2006  
Blogger @z3nF said...

والله انا ما افهم بالاشياء هذي

كل عام و انت بخير ولو انها متاخره
بس وش اسوي ظروف يا عم

السبت, 21 يناير, 2006  
Anonymous غير معرف said...

best regards, nice info »

الثلاثاء, 24 أبريل, 2007  

إرسال تعليق

<< Home

جميع حقوق النقل و الطبع محفوظة لصاحب المدونة©