الأحد، ديسمبر ١٨، ٢٠٠٥

من ضهر أوراق المذاكرة


السكينة التلمة اللي على رقبتي لسة لغاية دلوقتي ما حددتش موقفها
تقطع الوريد اليمين ؟؟؟؟
ولا الوريد الشمال؟؟؟؟؟
تقعد تفكر و تفضل رايحة ..جاية
رايحة ...جاية
رايحة ....جاية
بس أفتكر
إني مع أول لحظة تردد...مع تعديتها أول مرة على زمارة رقبتي
ما بقتش تفرق معايا ......و لو فرقت؟؟
برضه مش حعرف أصرخ و أقولها خلاص إستكفيت..
ومش حعرف أطلبلها مسن عشان تحمى
.......
و أخلص

12 Comments:

Blogger @z3nF said...

عسى ماشر
جرالك اييه
؟؟؟؟؟؟

الثلاثاء, ٢٠ ديسمبر, ٢٠٠٥  
Blogger ماشى الطريق said...

الصراحة يعنى أنا عمرى ما وصلت للحالة بسبب المذاكرة
ولو وصلتلها
يبقى فعلان أستاهل أندبح بالسكينة

الأربعاء, ٢١ ديسمبر, ٢٠٠٥  
Blogger ... said...

معلش

هى أيام صعبة

ربنا معاك والله بادعيلك

اصله كاس وداير

بس مش لدرجة ... سكاكين ودم

الأربعاء, ٢١ ديسمبر, ٢٠٠٥  
Blogger freedom said...

بجد جميلة جدا
أنا حاسس بيك والله
ربنا معاك

الخميس, ٢٢ ديسمبر, ٢٠٠٥  
Anonymous غير معرف said...

ملقتش تعليق ابلغ من كلام جاهين

دخل الشتا و قفل البيبان عالبيوت
وجعل شعاع الشمس خيط عنكبوت
وحاجات كتير بتموت في برد الشتا
اكن حاجات اكتر بترفض تموت
عجبي

ربنا معاك

الخميس, ٢٢ ديسمبر, ٢٠٠٥  
Anonymous غير معرف said...

الحياة مراحل اخى فلاتيأس ولاتسبق الامور


وربنا معاك ويوفقك


وفقنا الله لما فية الخير

مع خالص تحياتى

الخميس, ٢٢ ديسمبر, ٢٠٠٥  
Blogger sydalany-وش مكرمش said...

@أتزعنف:
لا شر ولا حاجة
دي حالة الإمتحانات
ومش سودة معايا كده بس ف ضهر ورق المذاكرة ما بكتبش غير شعر و فضفضة وقت ما تسود أوي لكن عادي الدنيا لذيذة


كتابة:
عندك حق
بس أكيد وصلتلها أو قربت منها و دي حالة صحية بس ما تستمرش أكتر من ست ساعات بالكتير يوم و إلا تقلب بإكتئاب

حلم:
يا ستي السكاكين يمكن تكون بسيطة زي شكة الدبوس
بس أهم شئ الدبوس بيتغرس فين
ما هو ممكن يتغرس ف المخ
:0)

حرية:
آمين


بوسبوس:
آمين


تامر:
و مين اللي قالك يأست
لما حيأس مش حفكر إني أعبر عن حاجة لإن ببساطة حكون يائس إنها توصل

الخميس, ٢٢ ديسمبر, ٢٠٠٥  
Blogger بنت مصرية said...

امتياز يا بنى مع مرتبة الشرف المبرقشة

هى دى ميزة المذاكرة يا وش، تخلى الواحد يسرح بعيد ويقلب اوراق المذاكرة ويبدع

الله يرحم دى ايام، لو كانت الدراسة عشر سنين مثلا كنا اخدنا جايزة نوبل للمذاكرة

الجمعة, ٢٣ ديسمبر, ٢٠٠٥  
Blogger change destiny said...

تدوينة مؤلمة جدا و خصوصا إن عندي إمتحان بكرة . بعمل إيه عالنت مش عارفة ... بس ياللا مش فارقة
ربنا معانا كلنا

الجمعة, ٢٣ ديسمبر, ٢٠٠٥  
Blogger Lasto-adri *Blue* said...

طب ما يلا.. خدنى معاك فى السكة.. خلينا نخلص م الدنيا دى.. بلا قرف

الاثنين, ٢٦ ديسمبر, ٢٠٠٥  
Blogger allfollowsome said...

دا كلام ياراجل لاامتحانات تعمل كل ده

الثلاثاء, ٢٧ ديسمبر, ٢٠٠٥  
Blogger Tara said...

عندك حق في اللي قلته
كأنك قاعد جوة راسي و الله

الأربعاء, ٢٨ ديسمبر, ٢٠٠٥  

إرسال تعليق

<< Home

جميع حقوق النقل و الطبع محفوظة لصاحب المدونة©