هييييييييييييييييييييييييييييييييييييييه
ده مشهد على البحر ف إسكندريةو أضعاف أضعافهم ف جمال عبد الناصر
أنا متأكد من حاجة
إن إسكندرية مش حتنام الليلة دي
الناس دي لو شفتوا منظرها و اللي بيعملوه عطشانين فرح.و فيه ناس حتلوم عليهم فرحهم الكبير أوي اللي غطى على أحزان العبارة بس أظنه هو اللي خلا فرحتهم زايدة أوي...المرة دي كانت شماعة الفرحة كاس أفريقيا ...و فيه اللي بيستمر ف لومهم و يقول الضحايا و غرقانين و و
لو تابعنا الكوارث اللي فاتت آخرهم حريق قطار الصعيد و المسرح و الإتنين الموت كان حرقا...و برضه ما حصلش حاجة لما فضلنا زعلانين
فأنا عن نفسي حأحاول ألحق أفرحلي شوية قبل الكارثة الجاية
ملحوظة خبيثة:شفت الريس و هو بيقوم كان بيقوم بصعوبة إزاي..ربنا يخليه لنا...و ربنا يجيب اللي فيه الخير
ملحوظة كمان:الصورة اللي فوق تصوير أخي ...حقوق الطبع و النشر محفوظة
posted by sydalany-وش مكرمش @ ٢/١١/٢٠٠٦ ١١:٤٠:٠٠ ص
24 Comments:
مبروك ياوش علينا جميعا
ملحوظتك خبيثة فعلا.. شفت إنت بأه عمو احمد نظيف وهو ماسك العلم بيهزه كان واصل لسقف المقصورة
هو السيد الرئيس(ادام اللة ظلة)حمار وماشافش الحمار النظيف دة قبل ما يختارة
حد يجيب رئيس وزارة اطول منة
دنيا
هو السيد الرئيس(ادام اللة ظلة)حمار وماشافش الحمار النظيف دة قبل ما يختارة
حد يجيب رئيس وزارة اطول منة
دنيا
سؤال عابر ياوش.. هو انت جبت الصورة دى من
slang?
الناس بتتلكك عالفرحة يا جدع
أنا عن نفسي نزلت الشارع واديتها
حضري حضري
أهو بدل من أي حد تاني
ولو اني ماليش في الكورة (حتى لو مصر بتلعب) انما اّخر ساعة الا ربع من الماتش كله(الشوية اللي أنا شفتهم) كانت حافلة بالدراما (خصوصا حكاية الجون بتاع أحمد حسن اللي توقعت فعلا انه يطلع برة عشان الليلة تسخن والقعدة تحلو) تخيلت حسن شحاتة وهو يبنده أحمد حسن ويقوله بحزم :" بدل لبسك معايا"
وهوة يقول له :" صدقني ياكابتن انا عمري ماكنت في حالة احسن من اللي أنا فيها النهاردة" وكل دة وهو بيكح ويرجع
طبعا لفتت نظري العيلة المالكة وهي بتتابع الماتش
أم المصريين فرحانة وبتهز العلم بذمة
الأمير علاء وولي العهد, الاتنين وسط الجماهير بدون أمن (مشيها بدون أمن) والسعادة بتبظ من عنيهم
أما بطل الحرب والسلام ( والجريمة والعقاب ,والبؤساء لو عايز) فواضح ان هموم الوطن شاغلاه , وعزة نفسه مانعاه ... شفتوا لما كان بيزق الحارس عشان يوسع الرؤية والحارس طنشه
أكيد كان بيقول له : اقعد انت يابركة
ع العموم .. مبروك لمصر برضه
مبروك علينا الفرحة المؤقتة وعلى رأيك نلحق نفرح شوية قبل الكارثة اللى جايه على الرغم إن لسه الكوارث اللى فاتت صاحية وما نامتش.
مع انى معرفش ايه كل اللى حصل ده امبارح.. وايه تفسيره بالظبط.. بس انا اعتقد انه كان شئ رائع جدا وصادق.. وانا اول مرة احس باحساس الفرحة المعدى ده بالطريقة دى
وبصراحة ماعرفتش الوم نفسى على الفرحة عشان موضوع العبّارة اللى غرقت
يعنى زى ما فى حاجات تستاهل نحزن عشانها برده فى حاجات تستاهل نفرح بيها
وفعلا الشعب عاوز يفرح وخلاص
مش مهم ليه المهم يفرح
بكره يفرح لما البلد تفضى
وبرضه ناخد كأس الامم الافريكيه
وسلام مربع للابطال
صحيح
كانوا بيقولوا انهم عزموا الطفل اللى اهله ماتوا فى العباره
على ماتش النهائى
كتر خيرهم بصراحه
الولد فعلا محتاج يتفسح
يعم سيبك من الريس وسوزان ولا حتى أحمد نظيف
دول آخر ناس كنت ببص عليهم
ليه
لأن دي فرحتنا احنا
وكنت حاسس انهم ومنافقيهم عايزين يسرقوا الفرحة مننا وينسبوها ليهم
ودا بعدهم
الفرحة دي من عندنا وجايلنا احنا
المغلوبين المظلومين المقهورين
المشلولين منهم
يللا مبروك
أحمد شكير:
الله يبارك فيك
شفته بالأمارة إيده كانت معدية القزاز الواقي بتاع المقصورة
أدهم:
يا عم سيبك..لا الطويل نفع و لا التخين نفع
لست أدري:
يا ستي أخويا هو اللي مصورها...أنا كمان سؤال عابر..هو إيه السلانج ده؟
دليا فؤاد:
سيكو سيكو؟؟هو في حاجة أنا ما شفتهاش؟
أبو شنب:
صح عندك حق..بس الحضري نفسه ف لقاء التلفزيون قال على جهود حد تاني و ولاده معاهم
فهرنهايت:
هههههههههههههههههههههه
:0))
إيخناتون 2:
الله يبارك فيك
فنجان قهوة:
و الله حكاية إن مصر كسبت ف البطولة تستاهل نفرح بس مش كل الفرحة اللي حسيتها دي
وليد:
طب و الشعب حيعمل إيه
طب لو ما فرحش كان حتفرق في حاجة
ولا حاجة غير بس معدل الضغط و أمراض القلب و الجلطات حيزيد و ما فيش حاجة بتتغير بالأحزان
حائر:
يا سيدي هم برضه مصريين و أكيد فرحوا طبعا مش زينا بس فرحوا
و حكاية ينسبوه لنفسهم هم مش محتاجين لإن ببساطة اللعيبة نسبوه لهم ..و نشكر سيادة الريس ..و الصراحة أستاذ علاء و أستاذ جمال كان حضورهم ف التدريبات له تأثير ال....إلخ
مم آسفة...
سلانج دة منتدى افتكرت انك عضو معانا فيه
حصل خير ع العموم
الحمد لله بجد
الناس عيزة تفرح
بتدور على اى حاجة تتشعلق فيها
و لو جون
داليا قصدها على البوسة اللى ادتها لحسنى بعد الماتش انت اية اتلاهيت فى النتيجة ومخدتش بالك من المهم ولا اية؟؟؟
ملاحظة خبيثة فعلاً قصدك أية .. مش ح يلعب الماتش الجاي
ملاحظة خبيثة فعلا قصدك اية .. مش ح يلعب الماتش الجاي
أما البوسة السيكو سيكو زنا إزاي
مبروك علينا عزيزى النصر
طعم الفرحة حلوة
اتمنى لمصر النصر والتفوق فى جميع المجالات
الى الامام
لست أدري:
يا ستي مش مهم
بس يا ريت تقوليلي فين المنتدى ده عشان أشترك فيه
واحد من الإخوات:
:0)
hesterua :
الحمد لله
rubyeldaly :
يا ولاد الإيه...طب إيه العيب ف كده
mfm :
كفاية كده ..كابتن الفريق بقاله ياما ...يمكن لو كمل يجيب إجوان لكنه مش حيعرف يجري و لو جاب جون حيكون قصاده باع عارضة الجون بتاعنا
الســـــنيورة:
الصورة شغالة بس شكل الكونكشن عندك ضعيف
تامر:
فعلا طعمه حلو أوي
بسم الله الرحمن الرحيم
وبه نستعين
اما بعد
الصوره مش معبره
بلا حقوق طبع ولا لزق
ولا زفت
سيدي المحترم في الله
كسبتوا الكاس مشان خاطر عيوني
فبلاش تنكروا الجميل ده
والسلام عليكم ورحمته
بسم الله الرحمن الرحيم رب العرش الكريم الذي أرسل خاتم النبيين و جعله على خلق عظيم
و به نستعين على الجهلة و المدعين
أما بعد
خليها تاكلك مش حرد عليكي
ملحوظة :الجملة السابقة تعني "خلي دماغك تاكلك"مش حاجة تانية
و عليكم السلام و رحمة الله و بركاته
يا عم سيبنا نفك شوية أنا عن نفسي لبست العلم يومين .... ياللا حد غيره واخد منها حاجة ؟
وارقص يا حضري اوورققووووص يااااا حاضااااارريييييييي!!!!!
You have an outstanding good and well structured site. I enjoyed browsing through it
» »
Best regards from NY! web site design company Harrahs casino nc
إرسال تعليق
<< Home