على هامش تاني حلم...إنفلونزا الطيور
يا أهلا بالكوارث
بس تعرفوا أهه الفقرا بدل ما ياكلوا فراخ مجمدة صلاحيتها معدية حياكلوا فراخ طازة و ببساطة حيطبخوها كويس
سيبوكوا مش حيتغير حاجة بس إدعوا يلاقوله مصل قريب
.............................................................
إستكمالا لللأحلام
حلم غريب اللي فاكره منه كنت رايح الإمتحان كنت متأخرأوي و الترام كان ماشي بالراحة أوي الساعة أربعة العصر إيه أربعة إزاي يبقى أكيد باحلم حصحى دلوقتي مش عارف أقفل عنيا و أفتحها ..لسة ف الترام و الترام ماشي أعمل إيه..أعمل إيه لازم أصحى ما فيش حل ..الصدمات ف الحلم تصحي "كل ده فكرت فيه و أنا في الحلم"يبقى أنط من الترام
مسكت ف طرفين الباب و الترام ماشي رميت نفسي و أنا قافل عنيا و قعت على وشي حركت صوابعي ف الأرض ولسة صوابعي مقفولة لقيت ملمسها ملاية سريري فتحت عنيا أنا فعلا على سريري
و صاحي
posted by sydalany-وش مكرمش @ ٢/١٩/٢٠٠٦ ١١:٤٦:٠٠ م
12 Comments:
إنت عارف أنا كتير ببقا بحلم أحلام غريبة كدة برضه تقريباً كوابيس و في عز الرعب اللي في الحلم أروح قايلة لنفسي لما أصحى و بصحى فعلاً مش عارفة إيه دة و لما بصحى بقعد أضحك
حبيت أصبح عليك, بالمناسبة جميل إنك بتفتكر أحلامك و بتقدر تكتبها.
تحياتي
ايه يابني الاحلام العجيبه دي
انت شكلك الامتحانات واكله دماغك
لو قعدنا نتكلم عن انفلونزا الطيور مش هانخلص
الامتحانات عندك بقت المادة الخام للأحلام ... مش عايز أقول أني خايف تخلص امتحانات أحسن تبطل تحلم
شد حيلك ياوش ...
انت فعلا جبار اية كمية الاحلام دى كلها وبعدين دى كلها كوابيس مادام عن الامتحانات وواضح ان الامتحانات فعلا واكلة دماغك
ربنا معاك ويقومك منها بالسلامة
احلم يا باش ربنا يوفقك
انا دايما بحلم حلم الامتحانات ده بس بعد ما اخلص امتحان بكون متضصايق جدا مش عارف ليه
بحس ان فاتنى الامتحان بجد
ولا كله من الانفلوانزا؟
عارف حلم زى ده متعب جدا
انا كمان بالرغم من انى اصلا مبنمش الاا انى لو نمت بتسحل على وادى الاحلام
المرعبه
يله ما علينا يعنى هيه جت ع النوم
تاتي-بوسبوس-أبو الليل-فهرنهايت-روبي الدالي-على الشاطئ الآخر
:0)
الدكتور:
الترام هي وسيلة مواصلات تشبه القطار لكنها تتحرك بالطاقة الكهربية و هي أقرب لمترو الأنفاق لكنها تسير فوق سطح الأرض
و يطلع عليها بالعامية المصرية ترماي في القاهرة و في الإسكندرية ترام و في الإسكندرية قديما جدا كان يطلق عليها الكهربا
أي خدمة
شفت كنت حنساك يا طاهر
إنت كمان
:0)
والنبى ماتفكرنيش انى ماعنتش هاكل فراخ تانى
انا فى قمة الحزن عالفراخ اللى عمالة تتدبح وتترمى وتدفن
انا بيتهيألى ان اشباحها هاتطلع بالليل تنتقم منا واحنا نايمين
حلوة ما عنتش دي
هو انت منين
That's a great story. Waiting for more. health concerta and drug testing http://www.waterbeds7.info/Ameri_credit_bill_pay.html Bathroom end faucets high Medical malpractice defense columbus concerta adhd rage Cosmetics in rockledge fl florida Lipitor muscles hardcore video clip galleries nomogram for treating post rk patients with lasik e30 convertible Zoloft buy online01010101010101010101010101010101 1967ford mustang convertible
إرسال تعليق
<< Home