فرن بلدي ولا صيدلية

سؤال و بالله عليكم جاوبوا بصراحة

دي من غير اليافطة حتفتكروها صيدلية ف مستشفى ولا فرن عيش

مع ملاحظة إن السقف معدني ...في الصيف عديت مسافة متر من الباب حسيت بصهد بيشوي جنب وشي

الله يكون في عون اللي شغالين جوا

و الغريب إنهم حاطنلهم مراوح سقف ...بتاخد الهوا اللي السقف الصفيح سخنه و ينزله عليهم

و في حال تغاضينا عن كل ده

من يومين بالظبط دخلت أتناول ورق من جوه صيدلية النفقة .....معدتي إتقلبت ...و لغاية دلوقتي كل ما أفتكر ريحة الدوا اللي طالعة معدتي تقلب....مع إني صيدلي لكن الدوا هناك من السخونية إتشوا ...الله يكون في عون الناس اللي حياخدوا الدوا ده

في الغالب يا إما مش حيبقى فعال ...يا إما حيبقى فقد بعضها

وصلت إننا فكرنا نلم من بعض عشان نجيب للمكان تكييف

و وصلت إننا فكرنا نجيب شركة دوا تعرض منتجاتها و ناخد حق التكييف منها

و إلى أن يأتي تكييف

فاحترس الدواء فيه سم قاتل

الحمد لله إن شغلي مش في صيدلية نفقة الدولة

كل سنة و انتوا بخير

0
/\
/:::\
( :::::)
(عيد سعيد)
(:::::::)
\::::/
/::::\

كل سنة و انتوا طيبين

ملحوظة:المسجد ده من تصميمي و تنفيذي

0

/\

/:::\

( :::::)

(عيد سعيد)

(:::::::)

\::::/

/::::\