الأربعاء، يونيو 20، 2007

صور كمان من المستشفى



و أنا ماشي لمحت صندوقين زبالة


إستغربت

صندوقين بلاستيك من النوع اللي بيتفتح بزرار يداس عليه بالقدم محطوطين في وسط مستشفى عام لناس مش لا قيين ياكلوا و لسة ما أتسرقوش؟؟؟

!!!!!!!!!!!!!!!!!!!!!!!!!!!!!!


و لما ركزت شفت الحقيقة



الصندوق الكرتون بتاع صندوق الزبالة
و أهه برضه صندوق و مكتوب عليه زبالة
مش كده
ولا إيه

تحياتي
وششششششششش

الجمعة، يونيو 15، 2007

معلش إتأخرت حبة



آسف على التأخير أصل الكمبيوتر كان مريح حبتين و ما كنتش فاضيله

عقبال أملتكم إستلمت تكليفي و بقيت موظف حكومة ف مستشفى من مستشفيات إسكندرية

يمكن يتساءل البعض ليه ما قلتش إسم المستشفى؟

أقولكم : أصلي ناوي أتكلم كتير و الكلام اللي حقوله ممكن لو وصل لحد كبير يلبش المستشفى كلها و يبقى خراب على الكل و أنا أولهم


و مؤقتا نبدأ بصورتين
طبعا واضحة الصورة
و تخيل نفسك في حالة الطوارئ و كسرت القزاز
أولا حتلاقي إن أساسا الدولاب مفتوح
ثانيا مش حتلاقي حاجة

لكن يبدو إن كان قصدهم في حالة الطوارئ النفسية

يعني لو حد حياته خنقته يكسر الزجاج أهه نوع من التفريغ للشحنات السلبية اللي عنده

و ما نجيلكمش ف حريقة

إمضاء

وشششششششش

جميع حقوق النقل و الطبع محفوظة لصاحب المدونة©