عزوة

أول مرة أعرف يعني إيه عزوة

أكتر من عشرين صيدلي متجمعين ف محل واحد بيفطروا سوا و كلهم يعرفوا بعض

و تصوروا المنظر...كتيبة صيادلة طالعين من المحل رايحيين نصلي التراويح ماشيين سادين الشارع

الكتيبة معدية من قدام قهوة في إتجاه الجامع
القهوجي سألنا و عنيه بتشع ذكاء و بإسلوب الواثق:إنتوا رايحين تلعبوا كورة؟؟؟؟
.....................................................................
................................................
................................
.................
سؤاله ضحكنا
لكن خلينا نفكر ف أبعاد سؤاله
لو إنت شفت مجموعة كبيرة أكتر من عشرة ماشيين مع بعض
لو بيهتفوا....حنقول دول رايحين مظاهرة
لو ماشيين مبتسمين....يبقى رايحين يلعبوا كورة
لو بيمدوا و ما بيضحكوش...يبقى رايحين يتعاركوا
و لو بيمدوا و ما بيضحكوش و أكتر من 30 نفر ...يبقو برضه رايحين مظاهرة
لوما بيمدوش و ما بيضحكوش و أكتر من 30 نفر و باصين ف الأرض ...يبقوا ماشيين ورا جنازة


يبقى و احنا بنفكر بنستبعد إنهم يكونوا متجمعين عشان يروحوا يصلوا ....أو حتى يتفسحوا
تفتكروا ليه؟؟

ف رأيي ده لإن صعب يتجمع أكتر من 10 على حاجة واحدة فيها إختيارات كتير

يعني الصلاة...عندك ف المنطقة الواحدة جوامع بعدد الشوارع

لو صفيت الشيوخ اللي ترتاح إنك تصلى وراهم حتلاقي 5 على الأقل

لو إنت مرتاح للشيخ اللي في الجامع الفلاني صاحبك الأنتيخ حيبقى بيصلي في المسجد العلاني و إنتوا إتنين

فما بالك ب21 طالب جامعي و كل واحد منهم دماغه مريحاه

تدوينات عن أحداث محرم بك

الجنون
تناول عاقل للأحداث
........................................
تعليق علي مايحدث
تعليق له قيمته
.........................................
تلغرافيّاً.. ولسّة! ـ
تدوينة مهمة..و في إنتظار ال.لسة من أر
............................................
هولوكوست محرم بيه
مش بعيد ..أو غالبا اللي إتقال في البوست حيحصل
................................................
كدت أبصر..وأنا الآن أعمى
كلمتين من زرياب
............................................
طعن وجرح داخل الكنيسه؟؟؟؟!!!!
فعلا إزاي عدا كل دول
........................................
يا مينا ..يا محمد....يا ناس
نداء أتمنى أن يصل للجميع
............................................
بلد الحب و السلام. مدينة التسامح
تاريخ و واقع
..............................................
لمصلحة مَن ؟!!!
تساؤلات من طعمة أتمنى أن نجد لها إجابة
...........................................
ألف لام
تعليق من بنت مصرية
...............................................
الثمار اليانعه
جار القمر و زميله...ملحوظة الإتنين مسلمين مع الفارق
......................................................
...إف
لو عاوز تثور ثور على كله ولو مش عاوز إتكوم زي عادتك و إخرس

.......................................................

ومهاجر قال في كومنت على البوست اللي فات
لما الدولة تكيل بمكيالين لازم تقوم فتنة طائفية وكل فئة بتتغذى بوعود حكومية بإصلاح الأمر أو على أكثر تقدير بإمتيازات مستقبلية ... وربنا قال على فرعون أنه إتخذ أهل مصر شيعأ يتضعف طائفة على حساب الأخرى ... وكلة بيرسم على كلة.. والناس بين إيديهم زى العرائس بيحركوهم سواء بسكوتهم الغير مبرر أو بإثارة القطط الفاطسة ويدعوا الطبيعة تأخذ مجراها .أما بالنسبة للأقباط فإخوانا المسيحيين زيهم زى المسلمين فيهم المطحون وفيهم متوسطى التعليم وفيهم البسطاء وفيهم الحيتان .. والناس دى تقدس رجال الدين علشان كده ممكن تلاقى رجل دين عنده أفكار عجيبة وعايش فى زمن الرومان وبيغذى الناس بأفكارة دى .. زى زكريا بطرس إل محدش عاوز يلمه وتيجى حاجة هايفة تحصل - بقصد أو بدون قصد - تلاقى الناس تلقائياً بطلع شحنة الكبت اليومى إل مخزناه من زمان وطبعاً الكنيسة ليست بريئة فأحياناً تستغل هذه المواقف كورقة ضغط - خلى بالك إحنا على وش إنتخابات - وأمريكا حطه عينها علينا فمفيش مانع أن تقوم جهة ما بإستغلال الموقف فى مصالحها الشخصية وكلة بإسم الدين والأقليات والحرية السياسية - وده شئ بديهى وطبيعى يحصل - بس إل مش طبيعى التعتيم الإعلامى وسياسة فرق تسد وأسلوب " ده إل عندنا وإل مش عاجبة يشرب من المالح " . معلش يا صيدلانى العيب مش فى مسلمين ولا مسيحيين العيب فى الدولة بنت ستين كلب وفى فئة من رجال الدين أصبحوا مفروضين على الناس ، والكل عارف أنهم شوية بهلونات فى يد الحكومة ورجال الأعمال وأصحاب المصالح ، والضحية دائماً هم الناس البسطاء - سواء مسلم ولا مسيحى - إل بيتصرف بتلقائية وعفوية
.................................................................

حاسس بالخطر

و عندك واحد كشري

........................................................................
المصري سريع الاشتعال! - لبنى حسن
مع إن الموضوع غير الموضوع ...لكن فيها تحليل جيد للعنف
.................................................................................
حقيقة الإسلام كما شاهدتها عارية فى محرم بك
و هذه تدوينة قذرة ...و فعلا هي دي الأشكال اللي ممكن تعمل مسرحية تسئ للإسلام

..........................................................................

و دي بوستات جايباها بنت مصرية....إن شاله ما حد حوش

...نظرية أبويوسف مذاذة القراصيا فى الديموكراسيا

وكمان تدوينة يحيى عياش الرائعة

وكمان حائر فى دنيا الله

........................................................

و كمان لست أدري بتقول إنها كتبت

و الصراحة تهت من كتر البلوجات ف البروفيل بتاعها

فغلاسة ححط اللينك بتاع البروفيل

لست أدري

:0p

ده لينك البلوج المطلوب..أنا أقدر أغلس عليكم

........................................................

و و بوجه عام و برغم كل شئ

لسة الطيور بتطن

و النحلاية بتزن

مع إن

مش كل البشر

فارحااانيييين

ما بعد أحداث الكنيسة

تظاهر أعداد ضخمة من المسلمين مطالبين بإعتذار رسمي من الكنيسة عن المسرحية التي تسئ للدين الإسلامي و طالبوا بمحاسبة المسئولين عنها

و كان موقف الكنيسة أن أصدرت بيان ساذج بإدعائها أن المسرحية عرضت من فترة طويلة و لم تكن تحتوي أي إساءة
و ده طبعا مش الحقيقة كاملة لإن ببساطة المسرحية موضوعها يكفي لإدانة أصحابها بتهمة إزدراء الأديان
و عرضها قريبا أو من فترة لا ينفي أنه يجب محاسبة المسئول عن المسرحية
و ده كان جنبا لجنب مع منع تجمع المصلين لصلاة الجمعة في مسجد أولاد الشيخ لإنه المسجد المقابل للكنيسة مباشرة
و أدى هذا لمظاهرة ثانية

النتيجة
قتل 3 مسلمين و إصابة أعداد كبيرة من المتظاهرين و عساكر الأمن المركزي
و طبعا القبض على أعداد كبيرة

السمة المميزة في المظاهرة
أن المتظاهرين كانوا شعب مسلم من جميع التيارات الفكرية
وده ينفي فكرة التصعيد المباشر من جماعة ما
لكنه لا ينفي التحريك الغير مباشر اللي مش معروف مين سببه

و من الطريف

أن إستعان الأمن بأحد الشيوخ السلفيين لإقناع المتظاهرين بالعدول عن التظاهر و قابل المتظاهرين كلامه الموجه عبر مكبرات الصوت في عربات الأمن بالتجاهل و منهم من أعترض عليه

و حاجة ظريفة

بالنسبة للراهبة اللي طلع عليها شاب بسلاح أبيض ضربها عدة ضربات
حنلاقي إن المستشفى الجامعي للعلاج الخاص سخر كل إمكانياته للراهبة
و حنلاقي إن الدورالمخصص لعلاج أعضاء هيئة التدريس في الجامعة و المفروض إنهم "كريمة" المجتمع ما أتبقاش فيه غير إتنين ممرضات للدور كله

دلوقتي يا شباب البلوج

في أسئلة مطروحة
إيه اللي خلى الكنيسة ما تقدمش إعتذار عن المسرحية اللي قالوا إنها إتعرضت من مدة؟؟؟؟
هل ده حيسبب لبش ف إسكندرية و قلق على المتدينين الغير منتمين لجماعات؟؟؟؟؟
هل الموضوع خلص على كده و لا له توابع؟؟؟؟؟؟؟؟؟
هل حيزداد المسيحيين إنغلاقا على أنفسهم ف المدارس و الجامعات؟؟؟
هل فيه مسرحيات تانية حيتم الإعلان عنها؟؟؟؟؟
و سؤال أخير

لما الأمن قبض على 13 مسيحي من مثيري الشغب في أحداث زوجة رجل الدين المسيحي التي أسلمت ثم تم تسليمها للكنيسة بمجرد أن أعلن البابا صيامه تم الإفراج عنهم دفعة واحدة
و دلوقتي كل المسلمين في العالم الإسلامي صايمين
هل ده حيشفع للمقبوض عليهم؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟
؟؟؟؟؟؟؟؟؟

تسمحلي أصورها؟؟

............................

.............................

تسمحلي أصورها؟؟؟

إتفضل

طب ممكن تقولي أبعتلك الصورة إزاي

عندي إيميل ..ينفع؟

....................

....................

الإيميل الأول

أنا بعد إذنك عملت نسخة من روحك

و سحبتها سكانر و نزلتها ع البلوج عندي

و مستني تعليقات الناس

أرجو ما تكونش زعلان

...................................

.........................................

الإيميل التاني

من ساعة ما نزلت صورة روحك ع البلوج و العداد إتجن

ناس كتير بتدخل تتفرج على روحك

فيه شفوها صعبت عليهم و عيونهم دمعت

و فيه اللي عيونهم دمعت م الضحك

و فيه اللي بصولها - وما تزعلش مني- بقرف

و فيه اللي دخل و قول ما شاف روحك قالي إتقي الله حد يسيب روح عريانة كده من غير ما يكون فوقها ستاير حكمة ولا حتى رشة زيف

و فيه اللي دخل بص لروحك من فوق النضارة و بعدها زق النضارة على عنيه و هز دماغه و مشي

لكن مهما حصل

أغلبهم قالوا إن روحك حلوة

...................................

............................................

الرد ع الإيميل

ماشي يا وش

حبعت ناس تصور روحك الحقيقية و تعريها

كنت تستأذني يا حزين قبل ما تعري روحي

إما وديتك ف داهية

..............................................

..........................................................

.............................................

أكشن تاني مرة

تسمحلي أصورها؟؟

ماشي

دلوقتي روحك إتصورت لو حتقولي أنشرها ف البلوج حنشرها

لو مش عاوز مش حنشرها

يا باشا إنشرها

خلي الناس تضحك

...........

.................

......................

..........................

........................................

عشر أيام عزوبية

يمكن حد يسأل هو ماله كده عمال ينزل صور و بقاله ييجي تمن أيام ما نزلش حاجة

أصبر يا عم أنا جايلك ف الكلام أهه

أكيد منكم عدت عليه الأيام دي

أيام عزوبية

يعني ببساطة إنت اللي بتخدم نفسك و ما حدش بيعملك حاجة

الحمد لله ما عدتش عليا الحكاية دي قبل كده إلا في السفر و ده بيبقى مع جروب ف الواحد ما بيحسش

أما المرة دي ف الحج و الحاجة طلعوا عمرة ....عشر أيام منهم السبعة الأوائل ف رمضان

مشكلة العزوبية الأولى

"الأكل

أول يوم عدا كويس لإن كان الغدا متجهز يدوب على التسخين

و يبدأ العك

تاني يوم عملنا مكرونة ......طلعت معجنة

بس كلناها برضه

و الحمد لله شكلهم ف كلية هندسة بيعلموهم إزاي يخترعوا ف الطبيخ لإن الباش مهندس أخويا الوحيد عملنا صدق بالبسطرمة بالطماطم و مكرونة و بطاطس فارم فريتس و للعلم الطبق ده كان 4 إيام من العشرة و تلات إيام فراخ بانيه و يومين عزومات

يعني ربنا ستر معانا ف الأكل

مشكلة العزوبية التانية

الغسيل

وده أنا إتوليته

و بقدرة فزة قدرت أغسل 7 قمصان و طبعا مش أي سبع قمصان ...الحجم بتاعنا

رقدت القمصان يوم و غسيل أبيض و حبة شرابان ...إيه الذكاء ده ..طبعا مش ف كروانة واحدة

تاني يوم مرشت القمصان و نضفوا ...علقتهم ف الحمام و نشفوا ف الحمام من غير ما يتنشروا

.................................................................................

يغسل أكثر بياضا

....................................................................................

أما الأبيض و الشرابات فرقدتهم خمس أيام

هه

لو واحدة ست بيت شاطرة تتوقع اللي حصل

....

...

بدون الدخول في تفاصيل المسافة من الحمام لأوضة القعاد مش أقل من 10 متر بمجرد ما الحاجة-الله يكون ف عونها و يخليها-بدأت تطلع الغسيل وصلتني ف أوضة القعاد الريحة

ببساطة

من غير ما أوصف الريحة

..........................................

عفن

عفن

و ريحته طلعت

أطاطة من فيلم عوكل

.....................................

المشكلة التالتة للعزوبية

الأستيقاظ

مش حقول تفاصيل ياما بس الباش مهندس نام عن 3 أيام شغل و أنا سكشن ضاع عليا

المشكلة ال

بس ما لحقناش نعرف أكتر من 3 مشاكل لإن كلهم أول عن آخر عشر أيام

أشوفكوا بعدين

أيا من يدعي الفهم

أتمنى من أي حد يدخل البلوج

يسمع الأغنية أو النشيد-زي ما تسميه -بتمعن

عشان المعاني حلوة أوي على ضمانتي

و كل عام و أنتم بخير

مؤقتا...طبق مخلل من سوريا