رعب أثناء النوم

ده كمان حلم حلمته من مدة طويلة

أول مرة ف حياتي أترعب كل الرعب ده كله ف حلم
مش فاكر أحداثه بالظبط
لكن اللي فاكره
إني كنت ف مكان و كان فيه هجوم فضائي
و البلد كلها متدمرة
كنت مرعوب أوي من شكل الكائنات مع إني لو شفتها ف الحقيقة مش حخاف
و قعدت أجري أجري
حيحصلوني
حيحصلوني
لأأااااااااااااااااااااااااااااااااااه
صحيت كنت باتفرج على التلفزيون و نمت
و كان ف التلفزيون هجوم فضائي
ضحكت
رحت أشرب
لقيت مخلوق فضائي طالعلي من المطبخ
لآاااااااه رجعت أجري لقيتهم طالعينلي من التلفزيون
و.......
صحيت و أنا باترعش
حبة لما فقت قعدت أضحك على إني إتزاولت و

طلعت من حلم

على حلم

على هامش تاني حلم...إنفلونزا الطيور

يا أهلا بالكوارث

بس تعرفوا أهه الفقرا بدل ما ياكلوا فراخ مجمدة صلاحيتها معدية حياكلوا فراخ طازة و ببساطة حيطبخوها كويس
سيبوكوا مش حيتغير حاجة بس إدعوا يلاقوله مصل قريب
.............................................................
إستكمالا لللأحلام
حلم غريب اللي فاكره منه كنت رايح الإمتحان كنت متأخرأوي و الترام كان ماشي بالراحة أوي الساعة أربعة العصر إيه أربعة إزاي يبقى أكيد باحلم حصحى دلوقتي مش عارف أقفل عنيا و أفتحها ..لسة ف الترام و الترام ماشي أعمل إيه..أعمل إيه لازم أصحى ما فيش حل ..الصدمات ف الحلم تصحي "كل ده فكرت فيه و أنا في الحلم"يبقى أنط من الترام

مسكت ف طرفين الباب و الترام ماشي رميت نفسي و أنا قافل عنيا و قعت على وشي حركت صوابعي ف الأرض ولسة صوابعي مقفولة لقيت ملمسها ملاية سريري فتحت عنيا أنا فعلا على سريري

و صاحي

هييييييييييييييييييييييييييييييييييييييه

مصر

ده مشهد على البحر ف إسكندرية

و أضعاف أضعافهم ف جمال عبد الناصر

أنا متأكد من حاجة

إن إسكندرية مش حتنام الليلة دي

الناس دي لو شفتوا منظرها و اللي بيعملوه عطشانين فرح.و فيه ناس حتلوم عليهم فرحهم الكبير أوي اللي غطى على أحزان العبارة بس أظنه هو اللي خلا فرحتهم زايدة أوي...المرة دي كانت شماعة الفرحة كاس أفريقيا ...و فيه اللي بيستمر ف لومهم و يقول الضحايا و غرقانين و و

لو تابعنا الكوارث اللي فاتت آخرهم حريق قطار الصعيد و المسرح و الإتنين الموت كان حرقا...و برضه ما حصلش حاجة لما فضلنا زعلانين

فأنا عن نفسي حأحاول ألحق أفرحلي شوية قبل الكارثة الجاية

ملحوظة خبيثة:شفت الريس و هو بيقوم كان بيقوم بصعوبة إزاي..ربنا يخليه لنا...و ربنا يجيب اللي فيه الخير

ملحوظة كمان:الصورة اللي فوق تصوير أخي ...حقوق الطبع و النشر محفوظة

أصعب حلم ممكن تحلم بيه و ما يكونش كابوس

قليلة أوي الأحلام اللي ممكن أفتكرها بعد ما أصحى

حبدأ سلسلة من تلات مواضيع عبارةعن تلات أحلام حلمتهم

آخرهم ده

كتبته أول ما صحيت عشان ما أنساش

الحلم الأول

رايح اللجنة ...صوت قالي إنت محمود سامي
قلت :أيوه
حتروح معايا لأمن الدولة ف "مش فاكر قالي فين اللي فاكره إنها مسافة" بعد ما تخلص إمتحان
دخلت اللجنة
ورقتي مكتوب عليها يذهب لأمن الدولة
روحت بيتنا
في نقاش عائلى مش فاكر مع مين و مختلط بأفكاري الخاصة
فكرت أخويا أكيد حيقولي هو حد يرمي نفسه ف النار ما تروحش
و أن فكرت هو أنا عملت إيه يكونش البلوج...بطلت سياسة و مواضيع مشاكل من ساعة حادثة الكنيسة
الكنيسة"فلاش باك"
أنا ماشي ف طرقة الكلية
واحد المفروض إنه صاحبي "مع إن الشكل ده ما أعرفوش"و لقيتني عارف إنه إخوان
قالي: كرستين منعوها تبقى معيدة
قلتله"و كل ه ف الفلاش باك":أحسن و قعدت أهزر معاه
الفلاش باك يختفي بصورة سينمائية
يبقى الحل أروح الإمتحان و أمشي بدري شوية
روحت اللجنة
لقيت مكاني
صوت المعيدة ...حتروح بعد اللجنة
إمتحان سيوتيكس
الحل ف نفس الورقة
عبارة عن أسئلة صغيرة بس كتيرة أوي
مدة "و دماغي بتألف أسئلة ما أنزل اله بها من سلطان و أحلها حلول منطقية" و سبت حبة أسئلة ما حلتهاش
ضلمة
أنا مع اللي قالي إننا رايحين مع أمن الدولة و واحد كمان
ركبنا من عند كوبري محرم بيه العصافرة
قلتله كنا نركب الملاحة"مع إن المكان ده لا له صلة بالكلية..و كمان ما بيعديش منه مشاريع..من تحت الكوبري"
ركبنا لعصافرة و رحنا بعدها نركب حاجة دمياط"مع إن أمن الدولة ف إسكندرية ف شارع الفراعنة جمب الكلية ما فيش خمس دقايق مشي
ضلمة
أنا داخل الكلية و قابلت واحد رمش فاكر قلتله إيه
فكرت"يااااااه ده أنا سايب أسئلة ياماما حلتهاش"
سألت :هو ينفع أدخل اللجنة تاني
قالي آه طبعا
ضلمة
كراسة الإمتحان و قلبت فيها ناقصلي تلات ورقات لسة ما جاوبتش عليهم و الوقت متأخر أوي
قعدت أحل بسرعة ....و أحل و أحل...ياااه خلصت
ضلمة

فتحت عنيا
ورقة الإمتحان لسة قدامي
هو فيه إيه
رد عليا صاحبي
إنت عينك غفلت خمس دقايق بس ما فتش وقت كتير
بصيت ف الساعة :واحدة و نص و خمسة
قلبت ورقة الإمتحان
اللي محلول آخر تلات ورقات
و الباقي كله مش محلول
أسئلة غريبة و من غير إختيارات "على عكس الإمتحان اللي كنت حليته"
مش عارف أحل
أنا أنا
أنا عاوز أدخل الحمام
و أنا رايح لمحت أخويا نايم على سريره ف أوضته اللي ف آخر الطرقة
و

إيه ده
أنا كنت بأحلم كل ده
أيوه حلم لإن الإمتحانات السنة دي كان تسعة و الساعة كانت واحدة و نص
أفتح عيوني
فتحت
لقيت نفسي قدام حمام بيتنا القديم و فيه حد جوا
إستنيت
ضلمة
فتحت عيوني
أنا دلوقتي على سريري
اللوح اللي ف طرف السرير وقع
قمت
رحت الحمام عشان أغسل وشي لقيت حد ف الحمام
"إيه ده هو أنا لسة باحلم"
غمضت عنيا و فتحتها
لسة ف مكاني...الحمام فضى...دخلت و ..و إتوضيت و طلعت أصلي الصبح
و رحت للأنتريه أصلي و أنا رايح قررت أكتب الحلم ف البلوج و قعدت أحاول أفتكر طب هو إمتحان السيوتكس كان جي إزاي السنة دي
آه كان جي أميريكان إختيارات
يبقى تمام أنا كده مش باحلم و صحيت
دخلت ف الصلاة
""وسواس و أنا ساجد....إنت لسة ف حلم و لا صحيت"
خلصت صلاة
ولعت الجهاز
الدي إس إل واقف
يبقى حكتبها وورد
فتحت الوورد
أخدت سندويتش من سندويتشات الفطار
قطمة
و أكتب
قطمة
و أكتب
قطمة
و أكتب

و .......


سيفت الفايل
و قفلت الوورد
Shut down
الخلفية الزرقة لقفل الإكس بي
و ..................................
...................................
....................................
ضلمة

.